فوتو: the-blogger.ru

اقش پرەزيدەنتى دونالد ترامپ قىتايلىق تاۋارلارعا سالىقتى 25%-عا ارتتىراتىنىن ايتتى.

جالپى قۇنى 200 ميلليارد دوللار بولاتىن تاۋارلارعا جاڭا تاريف كەلەر جىلدىڭ 1 قاڭتارىنان كۇشىنە ەنەدى. ءباسپاسوز ءماسليحاتىندا  اق ءۇي باسشىسى الداعى ۋاقىتتا قىتايمەن ناقتى ءبىر كەلىسىمگە كەلە الماعان جاعدايدا، قالعان تاۋارلار يمپورتىنا دا ءتاريفتىڭ ارتاتىنىن مالىمدەدى. سالىققا ىلىككەن تاۋارلار قاتارىندا قىتايدان اكەلىنەتىن iPhone ونىمدەرى، نوۋتبۋكتەر جانە وزگە دە تەحنيكالىق قۇرىلعىلار بار. ال بەيجىڭ تاراپى قۇراما شتاتتارىنا جاۋاپ رەتىندە سالىقتى كوتەرەتىنىن ايتتى.

ايتا كەتەيىك، وسىعان دەيىن امەريكانىڭ ساۋدا ءمينيسترى ۋيلبۋر روسس «Bloomberg» اگەنتتىگىنە بەرگەن سۇحباتىندا قاڭتاردا قىتايلىق تاۋارلارعا قاراستى تاريفتەر پايىزىنىڭ ارتىپ، «بۇل ەلدىڭ وسى ۋاقىتقا دەيىنگى جاسىرىن، رەسەيمەن بايلانىس جانە ادام قۇقىقتارىن تاپتاۋ سىندى ارەكەتتەرىنە قارسى» باعىتتالاتىنىن ايتقان بولاتىن. سونىمەن قاتار، دونالد ترامپ قىتايدى ساۋدا زاڭدىلىعىن بۇزدى دەپ ايىپتادى. ال امەريكالىقتار «تەحنولوگيالاردى زاڭسىز يەمدەنىپ، زياتكەرلىك جەكەمەنشىك قۇقىعىن ساقتامايتىن» قىتاي وندىرۋشىلەرىنىڭ ۇستىنەن تالاي مارتە شاعىم تۇسىرگەن.

"The Qazaq Times"