قازاقستان ءسىم. فوتو: kazakhstanzaman.kz

قازاقستان كيەۆ پەن ماسكەۋ تەكەتىرەسىنە قاتىستى وتكەن بۇۇ-نىڭ قاۋىپسىزدىك كەڭەسىندە رەسەيدىڭ ۇسىنىسىن ەمەس، كەرچتە بولعان وقيعانى تالقىلاۋدى قولداپ داۋىس بەردى. بۇل تۋرالى قازاقستان سىرتقى ىستەر مينيسترلىگى حابارلادى.

ءسىم ءباسپاسوز حاتشىسى ايبەك سمادياروۆ: «كەرچ بۇعازىنداعى جانجال ايماقتاعى تۇراقتىلىققا كەرى اسەر ەتەدى. قازاقستان سوندىقتان رەسەيدىڭ تۋىنداعان جاعدايدى بۇۇ قاۋىپسىزدىك كەڭەسىندە تالقىلاۋ ۇسىنىسىنا داۋىس بەردى. بۇل – مەملەكەتىمىزدىڭ قاۋىپسىزدىك كەڭەسىنىڭ مۇشەسى رەتىندە حالىقارالىق قاۋىپسىزدىك ماسەلەلەرىن قانداي تاقىرىپپەن بولسا دا تالقىلاۋعا اشىق ەكەنىن كورسەتەدى»، – دەدى. سونىمەن قاتار، قازاقستان ۋكراينا ۇسىنعان كۇن تارتىبىندەگى تالقىلاۋدى دا قولداپ داۋىس بەرگەن.

ايتا كەتەيىك، كەشە بۇۇ قاۋىپسىزدىك كەڭەسىنىڭ مۇشەلەرى ماسكەۋ ۇسىنعان «ۋكراينانىڭ رەسەي شەكاراسىن بۇزۋى بويىنشا» وتىرىستىڭ كۇن ءتارتىبىن مۇلدە قابىلداعان جوق. اقش پەن ۇلىبريتانيانى قوسا العاندا جەتى ەل رەسەيگە قارسى داۋىس بەرگەن. ال قىتاي، قازاقستان جانە بوليۆيا رەسەيدى جاقتاسا، ءتورت ەل قالىس قالدى.

"The Qazaq Times"