ۋكراينادا اسكەري جاعداي ەنگىزىلدى

ۋكراينادا كەرچ بۇعازىنداعى جانجالعا بايلانىستى ءبىر ايعا اسكەري جاعداي ەنگىزىلدى.

26 قاراشادا وتكەن جوعارعى رادانىڭ كەزەكتەن تىس وتىرىسىندا پەتر پوراشەنكونىڭ بۇل جارلىعىن 450 دەپۋتاتتىڭ 276-سى قولداپ داۋىس بەردى. پارلامەنت ماقۇلداعان قۇجات بويىنشا، توتەنشە جاعداي «رەسەي باسقىنشىلىعىنا ۇشىراۋى مۇمكىن» دەگەن ايماقتارعا ەنگىزىلەدى. بۇل شاراعا قاتىستى اسكەري-اۋە كۇشتەرىنىڭ دايىندىعى كۇشەيتىلىپ، باس شتابقا ءىشىنارا موبيليزاتسيا باستاۋ تۋرالى پارمەن بەرىلدى. ەندى 28 قاراشادان باستاپ جارلىق كۇشىنە ەنەدى. ۋكراينا پرەزيدەنتى پيوتر پوروشەنكو: «ماقۇلدانعان زاڭ جوباسى بويىنشا اسكەري جاعداي رەسەي فەرەداتسياسى شەكاراسىمەن شەكتەسەتىن پريدنەستروۆە ايماعى مەن قارا تەڭىز جانە ازوۆ تەڭىزى جاعاسىنا قاتىستى. سەبەبى بۇل اسكەري سوققى بەرە الاتىن قولايلى ايماقتار» – دەيدى.

وقيعا 2019 جىلدىڭ جەلتوقسانىندا وتەتىن پرەزيدەنتتىك سايلاۋعا ەش اسەرىن تيگىزبەيتىن بولادى. سەبەبى وسىعان دەيىن مەملەكەت باسشىسى ۋكراينادا اسكەري جاعدايدى ءبىر جىلعا دەيىن ۇزارتۋدى كوزدەگەن بولاتىن. بىراق، پارلامەنتتەگى قاراما-قايشى پىكىرلەردەن كەيىن ول رايىنان قايتتى. شيەلەنىسكە قاتىسى بار قوس تاراپ بۇۇ-نىڭ قاۋىپسىزدىك كەڭەسىنە شۇعىل كەزدەسۋ وتكىزىپ، ەكى ەل اراسىنداعى ماسەلەنى تالقىلادى.

"The Qazaq Times"