تەرەزا مەي جانە جان كلود يۋنكەر. فوتو: www.bbc.com

ەۋرووداق پەن ۇلىبريتانيا بولاشاق قاتىناستار تۋرالى دەكلاراتسيا جوباسىن تالقىلادى. بۇل Brexit كەلىسىمشارتىن جۇزەگە اسىرۋعا جول اشادى.

ەۋروپالىق كەڭەستىڭ حابارلاۋىنشا، ەو مەن ۇلىبريتانيا قاۋىپسىزدىك سالاسىنداعى ورتاق ساياسي دەكلاراتسياعا قول قويۋدى جوسپارلاپ وتىر. وسى ورايدا ەۋروكەڭەس پرەزيدەنتى دونالد تۋسك: «مەن وداقتىڭ 27 مۇشەسىنە ەو مەن ۇلىبريتانيا اراسىنداعى بولاشاق قارىم-قاتىناستار تۋرالى ساياسي دەكلاراتسيانىڭ جوباسىن جىبەردىم. ەندى قۇجات ساياسي دەڭگەيدە قارالىپ، وزگە ەلدەر كوشباسشىلارىنىڭ شەشىمىمەن بەكىتىلۋى ءتيىس»، – دەدى. ەگەر جوسپار ءىس جۇزەگە ورىندالسا، ەو مەن ۇلىبريتانيا بۇل دەكلاراتسيانى ساۋدا جونىندەگى كەلىسىمنىڭ نەگىزى رەتىندە پايدالانادى. اتالعان كەلىسىم 29 ناۋرىزدا بەكىتىلۋى ءتيىس. وسى كەزەڭ ىشىندە بريتانيا جالپىەۋروپالىق نارىق پەن كەدەن وداعىنىڭ مۇشەسى بولىپ قالا بەرەدى.

بريتانيا باسىلىمدارى: «شارت تەرەزەا مەي ءۇشىن جەڭىس ەمەس، ناعىز كاپيتۋلياتسيا. بۇل كەلىسىمدى قولداۋ ءۇشىن ەش نەگىز جوق»، – دەيدى. راسىمەن، ءبىراز ۋاقىت ىشىندە ساياساتكەرلەر تاراپىنان قاتاڭ سىنعا ۇشىراعان Brexit جوسپارىنا قارسى بارلىق وپپوزيتسيالىق پارتيالار، سونداي-اق كونسەرۆاتورلاردان قۇرالعان پارلامەنتتىڭ ونداعان مۇشەلەرى ءالى دە پرەمەر-ءمينيستردىڭ جوباسىن توقتاتۋعا تىرىسىپ باعۋدا. ولاردىڭ ءبىرازى تەرەزا مەي ۇكىمەتىنە قارسىلىق ۆوتۋمىن جىبەرىپ ۇلگەرگەن.

"The Qazaq Times"