تاي پوليتسيا قىزمەتكەرى عيباداتحاناعا باسىپ كىردى

بونگوك قالاسىندا، تاي پوليتسيا قىزمەتكەرى اقشا ۇرلادى ەگەن كۇدىكپەن ىزدەۋ سالىنعان سوپىنى ىزدەپ عيباداتحاناعا كولىگىمەن باسىپ كىرگەن. بۇل تۋرالى  bbc.com حابارلايدى.

Wat Dhammakaya عيباداتحاناسى بۇرىن اسكەري باقىلاۋدا بولعان. رۋحاني كوسەم، بولجام بويىنشا، جاسىرىنىپ ءجۇر.

وتكەن جىلعى ماۋسىم ايىندا Phra Dhammakaya-عا (رۋحاني كوسەم) بانگوكتاعى عيباداتحانادا ۇلكەن ۇرلىق جاسادى دەگەن كۇدىكپەن ىزدەۋ جاريالانعان. بىراق ونىڭ جاقتاۋشىلارى بارلىق جەردە كەدەرگى بولعان.

بەيسنەبى كۇنى رۋحاني كوسەمىن جاقتاۋشىلار عيباداتحانا الدىندا قۇلشىلىق ەتتى. فوتو: bbc.com

2016 جىلى، 72 جاستاعى  Phra شەنەۋنىكتەرمەن، ت.ب. ادامدارمەن كەزدەسۋگە بارا الماي، قاتتى اۋىرىپ جاتقاندىعىن ايتىپ، عيباداتحانادا بىرنەشە اي جاتقان. ول وزىنە تاعىلعان ايىپتى جوققا شىعارعان.

وتكەن بەيسەنبىدە  4000-عا جۋىق پوليتسيا قىزمەتكەرلەرى مەن سولداتتار عيباداتحانانى جانە وعان اپارار جولداردىڭ بارلىعىن قورشاۋعا الدى. ارنايى تەكسەرىس باسشىسى (DSI) – Col Paisit Wongmaung: «ەگەر ءوزىن كىناسىزبىن دەپ ەسەپتەسە، شىعىپ، سوت پروتسەسىنە قاتىسىپ، ءوزىن اقتاپ شىعۋى كەرەك»، – دەيدى.

ەسكە سالا كەتەيىك، تايلاند 2014 جىلى ورىن العان مەملەكەتتىك توڭكەرىستەن كەيىن، ارنايى اسكەري باقىلاۋعا الىنعان.

«The Qazaq Times»