ەۋروكوميسسيا يتالياعا سانكتسيا سالدى

ەۋروپالىق كوميسسيا يتالياعا بيۋدجەت ءۇشىن سانكتسيا ەنگىزدى.

ەۋروپا وداعى تاريحتا العاش رەت وداققا مۇشە مەملەكەتتەردىڭ ءبىرىنىڭ بيۋدجەت تاپشىلىعى تۋرالى جوباسىن جوققا شىعارىپ وتىر. Reuters اگەنتتىگىنىڭ حابارلاۋىنشا، سانكتسيا تىكەلەي يتالياعا قارجىلاي كومەكتى قىسقارتۋ ماقساتىندا قاراشانىڭ 21-ىندە قولدانىسقا ەنەدى. ەۋروتوپ يتالياعا كەلەسى جىلدىڭ بيۋدجەت جوباسىن دايىنداۋعا 1 اپتا ۋاقىت بەرگەن. الايدا، يتاليا تاراپى بۇل ۇسىنىسقا تۇبەگەيلى قارسىلىق ءبىلدىردى. يتاليا ىشكى ىستەر ءمينيسترى ماتتەو سالۆيني «ەگەر ەۋروپاعا بۇل ۇناماسا، ريم ءبارىبىر ءوز قالاۋىن جۇزەگە اسىرادى» – دەپ مالىمدەگەن. ال ەۋروتوپ توراعاسى ماريو سەنتەنونىڭ ايتۋىنشا، يتاليانىڭ كەلەر جىلعى بيۋدجەتى ەۋروپالىق وداق تالاپتارىنا ساي كەلمەيدى.

بيىل ماۋسىمدا ريم الەۋمەتتىك باعدارلامالارعا قاتىستى بيۋدجەت كولەمىن 0,9%-عا ۇلعايتۋدى ۇسىنىپ، بريۋسسەل ونى كەرى قايتاردى. سەبەبى ەكى تاراپ ۇسىنىسىنداعى ايىرماشىلىق 25 ميلليارد ەۋروعا جەتكەن. وسىعان دەيىن ەۋروكوميسسيا وداق قۇرامىنداعى ەلدەن العاش رەت بيۋدجەت جوباسىن تولىقتىرۋدى تالاپ ەتكەن بولاتىن. بىراق، 2019 جىلعا ارنالعان ەل بيۋدجەتىنىڭ ناقتىلانباۋىنا بايلانىستى قاتاڭ قاۋلى جۇزەگە اسپاق.

"The Qazaq Times"