اندرەي بابيش،چەحيا پرەمەر-ءمينيسترى. فوتو: politeka.net

پراگادا مىڭداعان ادام پرەمەر-مينيستر اندرەي ءبابيشتىڭ وتستاۆكاعا كەتۋىن تالاپ ەتىپ، نارازىلىققا شىقتى.

نارازىلىق اكتسياسىن ۇيىمداستىرۋشىلار ءبابيشتىڭ ءوز قىزمەتىن استىرتىن پايدالانىپ، كوپ مولشەردە قارجى جىمقىرعانىن ايتتى. سونىمەن قاتار، ميتينگ پرەمەر-ءمينيستردىڭ ۇلى – كىشى اندرەي ءبابيشتىڭ ءوز اكەسىنە قاتىستى «ەۋروپا وداعىنان دوتاتسيا الۋدا قارجىنى تەرىس ماقساتتا پايدالاندى جانە وسىعان قاتىستى ءىس بويىنشا تەرگەۋدەن قۇتىلىپ كەتتى» دەگەن اقپاراتتى جاريالاعان سوڭ ءوتتى. ماسكەۋ تاراپى بۇل شەرۋ مەن اقپاراتتى «ارانداتۋشىلىققا» بالاعان. نارازىلىقتان سوڭ، چەحيا سەناتى اندرەي ءبابيشتى وتستاۆكاعا كەتۋگە شاقىردى. جۇما كۇنى پارلامەنت ۇكىمەتكە سەنىم ءبىلدىرۋ ماسەلەسىن قايتا قارايتىن بوپ شەشتى.

ەسكە سالا كەتەيىك، 13 قاراشادا چەحيالىق «SeznamZpravy» سايتى اندرەي ءبابيشتىڭ ۇلىنان سۇحبات العان بولاتىن. سۇحباتتا ونىڭ ۇلى ءوزىن رەسەي ۆيزاسىمەن ماسكەۋدەن كۇشتەپ قىرىمعا اپارعانىن ايتقان. ال پرەمەر-مينيستر اندرەي بابيش جۋرناليستەرگە ەشقانداي استىرتىن ارەكەتتەردىڭ بولماعانىن جانە ۇلىنىڭ قىرىمعا زاڭدى تۇردە بارعانىن ايتتى.

"The Qazaq Times"