فوتو: Today.kz

قالاداعى قۇقىقتىق ءتارتىپتى قامتاماسىز ەتۋ، سونداي-اق الماتىدا قىلمىسقا قارسى ءىس-قيمىل جاساۋ اياسىندا كوشى-قونعا باقىلاۋ كۇشەيتىلدى. وتكەن جىلى ىشكى ىستەر دەپارتامەنتىنىڭ قىزمەتتەرىمەن جانە باسقا دا مەملەكەتتىك ورگاندارمەن ءوزارا ارەكەتتەسە وتىرىپ الماتى قالاسىنىڭ ءىىد-ءنىڭ كوشى-قون پوليتسياسىنىڭ بولىمشەلەرىمەن شەتەل ازاماتتارىنىڭ ەلىمىزگە كەلۋىن باقىلاۋ بويىنشا كەشەندى شارالاردى ۇيىمداستىرۋ جۇزەگە اسىرىلدى دەپ حابارلايدى الماتى قالاسىنىڭ ءىىد ءباسپاسوز-قىزمەتىنەن گۇلنار جامانقۇلوۆا

«كوشى-قون زاڭناماسىن بۇزعانى ءۇشىن 17 مىڭ 469 شەتەل ازاماتتارى اكىمشىلىك جاۋاپكەرشىلىككە تارتىلدى. 6 مىڭ شەتەلدىك قابىلداپ-تاراتۋ مەكەمەسىنە توعىتىلدى، وزگە مەملەكەتتەر قۇزىرىنداعى 2,5 مىڭ ازامات رەسپۋبليكا اۋماعىنان الاستاتىلدى. 1 مىڭ شەتەلدىككە اكىمشىلىك ايىپپۇل سالىنىپ،  1 مىڭ 723 شەتەل ازاماتى اكىمشىلىك قاماۋعا الىندى. قالا اۋماعىندا ەڭبەك ەتۋ ءۇشىن 42 مىڭ ەڭبەك ميگرانتتارى پاتەنت الدى»،- دەپ حابارلادى الماتى قالاسىنىڭ ءىىد كوشى-قون پوليتسياسى باسقارماسى باستىعىنىڭ ورىنباسارى پوليتسيا پودپولكوۆنيگى ايدىن بەلگىباەۆ.

قوعامدىق ءتارتىپتى قامتاماسىز ەتۋ، شەتەل ازاماتتارىنىڭ ەلىمىزگە كەلۋىن، بولۋىن جانە كەتۋىن باقىلاۋدى جۇزەگە اسىرۋ ماقساتىندا «قۇقىق ءتارتىبى»، «ميگرانت»، «نەلەگال» جانە ت.ب. جەدەل-الدىن الۋ ءىس-شارالارى وتكىزىلدى.

«The Qazaq Times»