ۆەنا اۋستريالىق اسكەري قىزمەتكەردى «ماسكەۋ تىڭشىسى» دەپ مالىمدەسە دە، رەسەيلىك ديپلوماتتاردى ەلدەن شىعارمايتىن بولدى. بۇل تۋرالى «Kronen Zeitung» گازەتىنىڭ رەسمي سايتى حابارلادى.
14 قاراشادا وتكەن ءباسپاسوز ءماسليحاتىندا اۋستريا كانتسلەرى سەباستيان كۋرتس تىڭشىلىق ارەكەتتەرگە توسقاۋىل قوياتىنىن جانە رەسەيمەن بايلانىستى ساقتايتىنىن ايتتى. كۇدىكتى قولعا تۇسكەن سوڭ، ايىبىن مويىنداعان. وسىدان كەيىن كۋرتس رەسەيدىڭ بۇل ارەكەتىن سىنعا الىپ، «تىڭشىلىقتىڭ شەگىنە» بالادى. سونداي-اق اۋستريا سىرتقى ىستەر ءمينيسترى كارين كنايسلدىڭ رەسەيگە جوسپارلانعان ساپارى توقتاتىلدى. ال رەسەي سىرتقى ىستەر مينيسترلىگى ۆەنا وتستاۆكاداعى پولكوۆنيكتەن كۇدىكتەنسە، الدىمەن تىكەلەي ماسكەۋگە حابارلاۋى ءتيىس ەدى دەگەن.
ەسكە سالا كەتەيىك، 9 قاراشادا ۆەنادا «رەسەي تىڭشىسى» قاماۋعا الىنعان بولاتىن. اۋستريا ارمياسىنىڭ 70 جاستاعى وتستاۆكاداعى پولكوۆنيگى ارنايى بارلاۋ كەزىندە قولعا تۇسكەن. مالىمەتتەر بويىنشا، ۇستالعان پولكوۆنيك ءوزىنىڭ رەسەيلىك باسشىسىنا «اۋستريا اسكەري بارلاۋ قىزمەتى، ارتيررەليا، اۆياتسياعا قاتىستى مەملەكەتتىك قۇپيا مالىمەتتەردى» رەسەيگە جاسىرىن تۇردە جىبەرىپ وتىرعان جانە «ءوز مىندەتىن ءمىنسىز اتقارعان». 20 جىل بويعى تىڭشىلىق قىزمەتى ءۇشىن وعان 300 مىڭ ەۋرو كولەمىندە قارجى تولەنگەن.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى