فوتو: https://www.lrt.lt

ليتۆانىڭ شياۋلياي سوتى رەسەيگە قۇپيا مالىمەتتەردى تاراتىپ، تىڭشىلىق ەتتى دەگەن ايىپپەن ليتۆالىق ەكى ازاماتتى ءتورت جىلعا باس بوستاندىعىنان ايىردى.

يس تاراتقان اقپارات بويىنشا، ەكى ازامات تا ءوز كىناسىن مويىنداپ وتىر. ال ليتۆا بيلىگى تاققان ايىپقا قاتىستى رەسەي تارابى «تىڭشىلىق داۋلارىنا ءۆيلنيۋستىڭ رۋسوفوبيالىق ساياساتى سەبەپ» دەگەن جاۋاپ قاتتى.

نەگىزىنەن العاندا، مۇنداي جاعداي ليتۆادا ءبىرىنشى رەت ورىن الىپ وتىرعان جوق. ساۋىردە ليتۆا سوتى كلايپەدا قالاسىنىڭ تۇرعىنىن جەتى جىلعا سوتتاعان. پروكۋراتۋرا دەرەگىنشە، ليتۆا ازاماتى رومان شۋشەل اسكەريلەر مەن ەلدىڭ ستراتەگيالىق نىساندارى تۋرالى دەرەك جيناعان. شۋشەل وزىنە تاعىلعان ايىپتى مويىندامادى. 2016 جىلدىڭ ناۋرىزىندا ليتۆا ازاماتى رەسەي ارنايى قىزمەتىنە اقپارات جىبەرگەنى ءۇشىن 12 جىلعا سوتتالعان. 2015 جىلى دا تىڭشىلىقپەن اينالىستى دەگەن كۇدىكپەن بىردەن بىرنەشە ادام ۇستالىپ ەدى. ونىڭ ىشىندە رەسەي ازاماتتارى دا بولعان.

"The Qazaq Times"