سەباستيان كۋرتس. فوتو: https://www.eltemps.cat

اۋستريا كانتسلەرى سەباستيان كۋرتس بيلىككە قايتا كەلۋدى جوسپارلاپ وتىر. ول ۇكىمەتكە سەنىمسىزدىك بىلدىرگەننەن كەيىن قىزمەتىنەن كەتكەن بولاتىن.

Handelsblatt نەمىس باسىلىسىندا كۋرتس اۋستريادا قىركۇيەكتە وتەتىن كەزەكتى سايلاۋدىڭ ءبىرىنشى كەزەڭىنەن كەيىن كانتسلەرلىك قىزمەتتى جالعاستىرۋ تۋرالى پىكىر بىلدىرگەن. ءوز سوزىندە ول: «بارلىق شەشىمدى اۋستريالىقتار قابىلدايدى. قىركۇيەكتە بىزدە جاڭا پارلامەنت پايدا بولادى. جاڭا پارلامەنت فەدەرالدى كانتسلەر رەتىندە قىزمەتىمدى جالعاستىرۋعا مۇمكىندىك بەرەتىنىنە سەنىمدىمىن. مەن ەل ءۇشىن ەڭبەك ەتىپ، ءوز جولىمدى جالعاستىرعىم كەلەدى»، – دەپ مالىمدەدى.

اۋستريادا وكىلەتتى پروكۋروردىڭ قاتىسۋىمەن داۋ-داماي تۋىنداپ، ۇكىمەتتىك داعدارىس ورىن العان. ناتيجەسىندە، بىرقاتار لاۋازىم بوس قالىپ، وپپوزيتسيا بيلىككە سەنىم بىلدىرۋدەن باس تارتقان. پارلامەنت كۋرتس قىزمەتىنە قايتا سايلانعاننان كەيىن، ۇكىمەتتەگى داعدارىس توقتايدى دەگەن سەنىمدە.

ايتا كەتەيىك، سەباستيان كۋرتس – رەسپۋبليكا تاريحىنداعى ەڭ جاس كانتسلەر. ول 2017 جىلى 31 جاسىندا بيلىككە كەلگەن. ەكى جىل ىشىندە رەسەيدىڭ اگرەسسيالىق ساياساتىن ايىپتاپ، اقش، گەرمانيا جانە ۋكراينامەن بىرلەسە «نورماند فورماتى» كەلىسسوزىن وتكىزگەن.

"The Qazaq Times"