حاشوگگيدىڭ ولىمىنە قاتىستى اۋديوتاسپا جاريالاندى

تۇركيا بيلىگى ساۋد ارابياسى، اقش، ۇلىبريتانيا، كانادا، گەرمانيا مەن فرانتسيا باسشىلىعىنا ساۋديالىق ءجۋرناليستىڭ ولىمىنە قاتىستى اۋديوتاسپانى جىبەردى.

اۋديوتاسپا «Al Jazeera» تەلەارناسىنىڭ رەسمي سايتىندا جاريالانىپ، تۇركيا پرەزيدەنتى ەرەجەپ تايىپ ەردوعان وسى ىسكە قاتىستى مالىمدەمە جاسادى. تاسپادا جامال حاشوگگيدىڭ جانتۇرشىگەرلىك ءولىم كەزىندەگى ارپالىسى، سوزدەرى انىق جازىلعان. تاسپانى تىڭداعاندار بۇل جاعا ۇستاتارلىق جاعداي ەكەنىن ايتتى. ەردوعان: «مۇنداي قاستاندىقتى تەك ەسىرتكى تۇتىناتىن ادام عانا جاساۋى مۇمكىن. سەبەبى، بۇل – ادام سەنگىسىز ايۋاندىق ارەكەت»، – دەدى. ەندى تۇركيا تاراپى ەر-ريادتان ءتىلشىنىڭ ءولىمى جايلى تولىق ءارى ناقتى اقپاراتتى تالاپ ەتىپ وتىر.
2 قازاندا ساۋديالىق جۋرناليست جامال حاشوگگي ىستامبۇلداعى ساۋد ارابياسىنىڭ كونسۋلدىعىنا بارعان جەرىنەن ءىس-ءتۇسسىز جوعالىپ كەتكەن. الەم دۇرلىككەن وقيعاعا اينالعان «حاشوگگي ىسىنەن» سوڭ ءبىراز ايعاقتار تابىلىپ، كۇدىكتىلەر انىقتالدى. الەمدىك باق باستى قىلمىسكەر ساۋد ارابيا ازاماتتارى ەكەندىگىن جازدى. سەبەبى، كىسى قولىنان قازا بولعان وپپوزيتسيالىق جۋرناليست ءبىراز ۋاقىت كولەمىندە كورول سالماننىڭ «استىرتىن ارەكەتتەرى» مەن ەلدەگى ادىلەتسىزدىكتەر جايلى ماقالالار جاريالاپ كەلگەن. اتالعان وقيعادان سوڭ، گەرمانيا ساۋد ارابياسىنا قارۋ-جاراق ەسكسپورتىن ۋاقىتشا توقتاتتى. Goldman Sachs ينۆەستيتسيالىق بانكى فورۋمعا بويكوت جاريالادى. ال «New York Times»، «Bloomberg» جانە CNN مەدياگرۋپپالرى ءوز جۋرناليستەرىن حابار تاراتۋعا جىبەرمەيتىن بولدى. سونىمەن قاتار، HSBC, Credit Suisse, MasterCard, Ford, Uber, Google سىندى ءىرى كومپانيالاردىڭ باسشىلارى ەر-ريادتاعى كونفەرەنتسياعا قاتىسۋدان باس تارتتى.

"The Qazaq Times"