فوتو: novosti.az

OPEC ەلدەرى مەن وزگە دە سەرىكتەس مەملەكەتتەر الداعى ۋاقىتتا قارا التىن ءوندىرىسىن ازايتپاق. بۇل تۋرالى ابۋ-دابيدە وتكەن كەزدەسۋدە ايتىلدى.

كەزدەسۋ بارىسىندا 2019 جىلعى الەمدىك نارىقتاعى مۇناي ءوندىرىسىن شەكتەۋ مەن سۇرانىس ماسەلەسى تالقىلاندى. بيىل مۇناي باعاسى 85 دوللارعا دەيىن ارتقان سوڭ، جالپى ساتىلىم ازايعان. OPEC مەملەكەتتەرى وسى ماسەلەنى ەسكەرە وتىرىپ، كەلەر جىلدان باستاپ ءوندىرىستى تومەندەتەتىنىن ايتتى. بۇل شەشىمگە قولداۋ بىلدىرگەن ەلدەردىڭ قاتارىندا رەسەي دە بار. مۇنداي شەشىمگە كەلۋدىڭ تاعى ءبىر سەبەبى، بيىل اقش-تا جىلدان-جىلعا قارا التىن كولەمىنىڭ ارتۋىنان سۇرانىس ازايا تۇسكەن جانە الداعى جىلى الەمدىك نارىقتا مۇناي كولەمى بۇرىنعىدان دا ارتۋى مۇمكىن.

ايتا كەتەيىك، وسى جىلدىڭ قاراشاسىندا جۇرگىزىلگەن زەرتتەۋ ناتيجەسىندە Brent ماركالى مۇناي باررەلىنىڭ 70 دوللارعا دەيىن تومەندەگەنى ءمالىم بولدى.

"The Qazaq Times"