اۋستريادا «رەسەي تىڭشىسى» قاماۋعا الىندى

اۋستريادا «رەسەي تىڭشىسى» قاماۋعا الىندى. بۇل تۋرالى «Kronen Zeitung» گازەتىنىڭ رەسمي سايتى حابارلادى.

اۋستريا ارمياسىنىڭ 70 جاستاعى وتستاۆكاداعى پولكوۆنيگى ارنايى بارلاۋ كەزىندە قولعا تۇسكەن. قورعانىس مينيسترلىگىنىڭ وكىلى ميحاەل باۋەردىڭ ايتۋىنشا، ۇستالعان پولكوۆنيك «اۋستريا اسكەري بارلاۋ قىزمەتى، ارتيررەليا، اۆياتسياعا قاتىستى مەملەكەتتىك قۇپيا مالىمەتتەردى» رەسەيگە جاسىرىن تۇردە جىبەرىپ وتىرعان جانە «ءوز مىندەتىن ءمىنسىز اتقارعان». مالىمەتتەر بويىنشا، اۋستريا اسكەرىنىڭ شتابىندا جۇمىس ىستەگەن ول ءار ەكى اپتا سايىن «رەسەيلىك باسشىدان» تاپسىرما الىپ، دەرەكتەردى سپۋتنيكتىك بايلانىس ارقىلى جىبەرىپ وتىرعان. تىڭشىلىق قىزمەتى ءۇشىن وعان 300 مىڭ ەۋرو كولەمىندە تولەماقى بەرىلگەن. قازىرگى ۋاقىتتا وفيتسەردىڭ ۇستىنگەن قىلمىستىق ءىس قوزعالىپ، تەرگەۋ جۇمىستارى جۇرگىزىلىپ جاتىر.

اتالعان ىسكە قاتىستى اۋستريا كانتسلەرى سەباستيان كۋرتس رەسەيدىڭ بۇل ارەكەتىن سىنعا الىپ، «تىڭشىلىقتىڭ شەگىنە» بالادى. سونداي-اق وسى داۋدان كەيىن اۋستريا سىرتقى ىستەر ءمينيسترى كارين كنايسلدىڭ رەسەيگە جوسپارلانعان ساپارى توقتاتىلادى.

"The Qazaq Times"