Austriyada «Resey tıñşısı» qamauğa alındı

Austriyada «Resey tıñşısı» qamauğa alındı. Bwl turalı «Kronen Zeitung» gazetiniñ resmi saytı habarladı.

Austriya armiyasınıñ 70 jastağı otstavkadağı polkovnigi arnayı barlau kezinde qolğa tüsken. Qorğanıs ministrliginiñ ökili Mihael' Bauerdiñ aytuınşa, wstalğan polkovnik «Austriya äskeri barlau qızmeti, artirreliya, aviaciyağa qatıstı memlekettik qwpiya mälimetterdi» Reseyge jasırın türde jiberip otırğan jäne «öz mindetin minsiz atqarğan». Mälimetter boyınşa, Austriya äskeriniñ ştabında jwmıs istegen ol är eki apta sayın «reseylik basşıdan» tapsırma alıp, derekterdi sputniktik baylanıs arqılı jiberip otırğan. Tıñşılıq qızmeti üşin oğan 300 mıñ euro köleminde tölemaqı berilgen. Qazirgi uaqıtta oficerdiñ üstingen qılmıstıq is qozğalıp, tergeu jwmıstarı jürgizilip jatır.

Atalğan iske qatıstı Austriya kancleri Sebast'yan Kurc Reseydiñ bwl äreketin sınğa alıp, «tıñşılıqtıñ şegine» baladı. Sonday-aq osı daudan keyin Austriya sırtqı ister ministri Karin Knaysl'diñ Reseyge josparlanğan saparı toqtatıladı.

"The Qazaq Times"