اۋستراليادا جاسوسپىرىمدەر تۇزەتۋ كالونياسىن باسىپ الدى

اۋستراليادا پىشاق پەن جىلدام ەريتىن سۇيىقتىقپەن قارۋلانعان بۇزاقىلار جاسوسپىرىمدەرگە ارنالعان تۇزەتۋ مەكەمەسىن باسىپ الدى.

وقيعا نەگىزىنەن 6 قاراشا كۇنى باستالعان. سالدارىنان كالونيانىڭ ەكى قىزمەتكەرى جاراقاتتانعان. قازىرگى تاڭدا جەرگىلىكتى پوليتسيا مەن ارنايى قىزمەت وكىلدەرى عيماراتتى قورشاۋعا الىپ، جاعدايدى ءوز باقىلاۋلارىندا ۇستاۋ ءۇشىن بار كۇشتەرىن جۇمساۋدا.

ەستەرىڭىزگە سالا كەتەيىك، شىلدە ايىندا ۆەنەسۋەلاداعى تۇرمەنى قاماۋدا وتىرعاندار باسىپ الىپ، كالونيا اكىمشىلىگىنە 55 كۇن بويى تۋىستارىمەن كەزدەستىرمەگەندەرى ءۇشىن نارازىلىق بىلدىرگەن. ال، قازان ايىندا برازيليا پوليتسەيلەرى تۇرمەدەن قاشقان 9 قىلمىسكەردىڭ كوزىن جويعان.

"The Qazaq Times"