امەريكا قۇراما شتاتتارىندا كونگرەسكە ارالىق سايلاۋ ءوتىپ جاتىر. كەزەكتى سايلاۋ ناتيجەسىندە سەنات جوعارى پالاتاسىنىڭ ۇشتەن ءبىر بولىگى جانە تومەنگى پالاتانىڭ بارلىق قۇرامى وزگەرەدى.
اقش پرەزيدەنتى دونالد ترامپ: «ەگەر سىزدەر ەلىمىزگە ميگرانتتار كەرۋەنى اعىلىپ، قىلمىستاردىڭ ارتقانىن قالاساڭىزدار دەموكراتتارعا داۋىس بەرسەڭىزدەر بولادى. دەموكراتتاردىڭ ماقساتى – بيىلدان قالدىرماي شەكارانى اشۋ. ولار جان-جاقتان ميگرانتتاردى ەلگە شاقىرىپ وتىر. زاڭسىز ميگرانتتاردىڭ سانى ارتىپ، ارتى تۇراقسىزدىققا اكەپ سوقتى. ءبىز بۇعان جول بەرە المايمىز. دەمەك، ارالىق سايلاۋ وسى ماسەلەلەردى شەشەدى. ەگەر شەكارامىز بەرىك، ۇلتتىق قاۋىپسىزدىك مىعىم جانە قوعامدىق ءتارتىپتىڭ ساقتالعانىن قالاساڭىزدار رەسپۋبليكالىقتاردى تاڭداڭىزدار».
كونگرەسكە سايلاۋ باستالعالى بەرى، اقش پرەزيدەنتى دونالد ترامپتىڭ رەيتينگىسى 44%-عا ارتقان. فوتو: voanews.com
وسى سايلاۋ ارقىلى امەريكالىقتار تومەنگى پالاتانىڭ قۇرامىن تۇگەلدەي جاڭارتىپ، جاڭا گۋبەرناتورلاردى تاڭدايدى. ءدال قازىر كونگرەستە ترامپ اكىمشىلىگى – رەسپۋبليكالىقتار باسىمدىققا يە. دەموكراتتار تا وزدەرىنىڭ جەڭىسكە جەتەتىنە سەنىمدى. ول ءۇشىن توپ وكىلدەرى سەناتتان 2 جانە وكىلدەر پالاتاسىنان 23 ورىنعا يە بولۋى ءتيىس. وسى رەتتە اقش-تىڭ ەكس-پرەزيدەنتى باراك وباما: «كەي ادامدار ءىرى، اۋقىمدى جەتىستىكتەردى جاي عانا وزدىگىنەن بولاتىن قۇبىلىس دەپ سانايدى. ال باسقالارى الەمگە ايگىلى ەتۋگە تىرىسادى. ءبىز بۇرىننان ادامداردى ءناسىلى مەن تەگىنە قاراپ باعالامايتىنبىز. بىراق، ناسىلشىلدىكتىڭ ورىندالۋ-ورىندالماۋىنا ەشقانداي كەپىلدىك جوق ەكەنىنە كوز جەتكىزدىك. سول سەبەپتى قوعامداعى تەڭدىك ءۇشىن ۇنەمى كۇرەسۋ مىندەت. بىرنەشە ۋاقىت كولەمىندە ەلىمىز كوپتەگەن ءىرى جەتىستىكتەرگە جەتتى. ەندى ەلىمىزدىڭ نە قالايتىنى وسى سايلاۋدا بەلگىلى بولماق. حالىق وسى جولى بۇرىنعىدان دا ايرىقشا بەلسەندىلىك تانىتىپ كەلەدى»، – دەدى.
دەموكراتتاردىڭ كوشباسشىسى، ەكس-پرەزيدەنت باراك وباما سايلاۋدا جەڭىسكە جەتەتىنىنە سەنىمدى. فوتو: cnbc.com
جەڭىستەن ۇمىتكەر رەسپۋبليكالىقتار جانە دەموكراتتار اراسىنداعى جارىس بارىسىندا قۇراما شتاتتارىنىڭ پرەزيدەنتى دونالد ترامپتىڭ رەيتينگىسى 44%-عا ارتقان. الايدا، CNN تەلەارناسى جۇرگىزگەن الدىن-الا ساۋالناما بويىنشا، دەموكراتتار ءۇشىن ەلدىڭ 55%-دان استامى داۋىس بەرۋگە قۇلشىنىس بىلدىرگەن. ال SSRS كومپانياسىنىڭ زەرتتەۋى بويىنشا، ترامپ پارتياسىنا حالىقتىڭ تەك 39%-ى سەنىم بىلدىرگەن. «The New York Times» باسىلىمىندا كەي ساراپشىلار بۇل ساياسي شاراعا «دونالد ترامپ اكىمشىلىگىنە قاتىستى رەفەرەندۋم» دەپ باعا بەرگەن. ارالىق سايلاۋدا رەسپۋبليكالىقتار جەڭىسكە جەتسە، ترامپ اكىمشىلىگى كەزەكتى مارتە ءىرى باسىمدىققا يە بولادى.
ايتا كەتەيىك، امەريكا ءۇشىن ماڭىزى زور ارالىق سايلاۋعا 5 ميلليارد دولللار كولەمىندە قارجى جۇمسالعان. سونداي-اق، ارالىق سايلاۋعا دەيىن الدىن-الا شارالار جۇرگىزىلىپ، اقش قۇقىق قورعاۋ ورگاندارى سايلاۋشىلارعا رەسەي، يران جانە باسقا دا ەلدەردىڭ الەۋمەتتىك جەلىلەردەگى جالعان اقپاراتتارىنان ساقتانۋ كەرەكتىگىن ەسكەرتتى. وسىعان وراي Facebook الەۋمەتتىك جەلىسى 115-تەن استام كۇدىكتى جانە فەيك اككاۋنتتاردى بۇعاتتاعان. جويىلعان اككاۋنتتاردىڭ باسىم بولىگى رەسەي مەن يران قولدانۋشىلارىنا ءتان.
قازىرشە رەسپۋبليكالىقتار 143 داۋىسپەن كوش باستاپ تۇر. تولىقتاي ارالىق سايلاۋ ناتيجەلەرى جاقىن ارادا بەلگىلى بولادى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى