وتكەن جىلى فوتو جانە بەينەفيكساتورلاردىڭ كومەگىمەن 500 مىڭداي قۇقىقبۇزۋشىلىقتار انىقتالدى

جولدا ءجۇرۋ ەرەجەسى بويىنشا جارتى ميلليونعا جۋىق قۇقىقبۇزۋشىلىق انىقتالدى. سونىمەن قاتار، ماس كۇيىندە كولىك باسقارعان 2 مىڭ 370 جۇرگىزۋشىلەر ۇستالىپ، 4 مىڭ 500 كولىك جۇرگىزۋشىسى جۇرگىزۋشى كۋالىگىنەن ايىرىلدى.  بۇل تۋرالى اكىمشىلىك پوليتسياسى باسقارماسىنىڭ باستىعى پوليتسيا پولكوۆنيگى نۇرلان الماسبەكوۆنىڭ سوزىنە سىلتەمە جاساپ الماتى قالاسىنىڭ ءىىد ءباسپاسوز-قىزمەتىنەن گۇلنار جامانقۇلوۆا حابارلادى.

«قالا جولدارىندا ءتارتىپتى نىعايتۋ بويىنشا شارالار قابىلدانۋدا. جول ەرەجەسىن بۇزۋدىڭ باسىم بولىگى فوتوبەينەفيكساتورلاردىڭ كومەگىمەن انىقتالۋدا. اتالمىش قوندىرعىلاردى پايدالانۋ زارداپ شەگۋشىلەرى بار جول-كولىك وقيعالارىن 6,3%-عا، كىسى ولىمىمەن اياقتالعانىن 10,4%-عا تومەندەتۋگە ىقپال ەتتى. جول-كولىك وقيعاسى بارىسىندا قازا بولعاندار 1,9%-عا، جاراقات العاندار – 5,1%-عا ازايدى. قالا اكىمشىلىگىمەن بىرلەسە وتىرىپ ماگيسترالدى كوشەلەردەگى 52 جاياۋ جۇرگىنشىلەر وتكەلدەرى ماڭىنا 372 جول بەلگىلەرىن ورناتۋ ارقىلى جاياۋ جۇرگىنشىلەردىڭ قاۋىپسىزدىگىن قامتاماسىز ەتۋ شارالارى قابىلداندى، شامامەن 300 مەتر جول بويىنا قورشاۋلار مەن 116 قوسىمشا شامدار قويىلىپ، 4 رەتتەلمەيتىن جاياۋ جۇرگىنشىلەر وتپە جولدارى 8 سوققى اسەرىنىڭ جىلدامدىعىن شەكتەگىشتەرمەن جابدىقتالدى»،

"The Qazaq Times"