فوتو: BNews.kz

ۇلتتىق پانتەونعا كىمدەردىڭ جەرلەنەتىنى بەلگىلى بولدى.

ۇكىمەت ۇلتتىق پانتەونعا بايلانىستى قاۋلىعا وزگەرتۋلەر مەن تولىقتىرۋلار ەنگىزدى. جاڭا قۇجات بويىنشا، بۇدان بىلاي ۇلتتىق پانتەونعا مينيسترلەر، مەملەكەتتىك ورگان باسشىلارى، پرەزيدەنتتىڭ قاراماعىنداعى ازاماتتار، رەسپۋبليكالىق ماڭىزعا يە قالا، وبلىس اكىمدەرى جانە استانا قالاسىنىڭ اكىمدەرى جەرلەنەدى.

بۇعان دەيىن ۇلتتىق پانتەونعا قر پرەزيدەنتى مەن ونىڭ وتباسى مۇشەلەرى، پرەمەر-مينيستر مەن ونىڭ ورىنباسارلارى جانە پارلامەنت پالاتاسىنىڭ توراعالارى، قر مەملەكەتتىك حاتشىلارى، پرەزيدەنت اكىمشىلىگى باسشىلارى، كوستيتۋتسيالىق كەڭەس، جوعارى سوت، ۇلتتىق بانك توراعالارى جەرلەنەدى دەلىنگەن.

بىلتىر استانا قالاسىنىڭ اكىمى ۇلتتىق پانتەون قۇرىلىسىنا 79 ميلليارد تەڭگە كەتەتىنىن ايتقان. پانتەون استانا قالاسىنان 17 شاقىرىم قاشىقتىقتا ورنالاسقان قابانباي باتىر اۋىلى جانىندا ورنالاسقان.

"The Qazaq Times"