تۇركيا سۇرياداعى اسكەري وپەراتسياسىنىڭ ەكىنشى كەزەڭىن باستادى.

قازان ايىنىڭ 30-ى كۇنى تۇركيا پرەزيدەنتىنىڭ رەسمي سايتىندا رەجەپ تايىپ ەردوعاننىڭ ءسۇريا داعدارىسىنا قاتىستى مالىمدەمەسى جاريالاندى.

وندا: «انكارا ەفرات وزەنىنىڭ سولتۇستىگىندەگى تەررورلىق توپتاردىڭ كوزىن جويۋعا ارنالعان اسكەري دايىندىعىن اياقتادى. ءبىز ءوزىمىزدىڭ باقىلاۋمىزداعى ايماقتاردى لاڭكەستەردىڭ قولىنا بەرمەيمىز. تۇركيا ەفرات وزەنىنىڭ بويىنداعى تەررورلىق توپتاردى تولىعىمەن تالقاندايدى» - دەلىنگەن.

بۇعان دەيىن تۇركيا ارمياسى سۇريالىق كۇردتەر شوعىرلانعان كوباني قالاسىن اتقىلاعان. جەرگىلىكتى باق وكىلدەرىنىڭ مالىمەتىنشە، تۇرىك ارتيللەرياسى ەفرات وزەنىنىڭ بويىندا ورنالاسقان ستراتەگيالىق ماڭىزعا يە بيىكتىكتەردى بومبالاعان.

"The Qazaq Times"