ترامپ: «انتيسەميتتىك شابۋىلدى توقتاتۋعا مىندەتتىمىز»

اقش پرەزيدەنتى پەنسيلۆانيا شتاتىنا قاراستى پيتتسبۋرگ قالاسىنداعى سيناگوگادا بولعان اتىسقا قاتىستى پىكىر ءبىلدىردى.

دونالد ترامپ رەسمي Twitter پاراقشاسىندا: «بۇگىندە مۇنداي جانتۇرشىگەرلىك ءارى ايۋان ارەكەتتەر جيىلەپ بارادى. پيتتسبۋرگتەگى سيناگوگادا بولعان جاعداي – انتيسەميتتىك شابۋىل. ياعني كۇللى ادامزاتقا جاسالعان قاستاندىق. ءبىز ەشقاشان وسىنداي زۇلىمدىققا جول بەرمەۋىمىز كەرەك جانە انتەسيميتيزمگە قارسى زۇلىمدىقتى جويۋ ءۇشىن بىرلەسىپ ارەكەت ەتۋگە مىندەتتىمىز»، – دەدى. سونىمەن قاتار، اق ءۇي باسشىسى پەنسيلۆانيا شتاتىندا ورىن العان وقىس وقيعانى «ادامزاتقا جاسالعان قاستاندىق ارەكەت» دەپ ايىپتاپ، ەندى اتىس-شابىس سىندى ارەكەتتەردىڭ الدىن-الۋ ءۇشىن ءولىم جازاسى تۋرالى زاڭدى كۇشەيتۋ كەرەكتىگىن ەسكەرتتى.

ەسكە سالا كەتەيىك، قارۋلانعان ءبىر ادام ەۆرەيلەر عيباداتحاناسىنا كۇتپەگەن جەردەن شابۋىل جاساعان بولاتىن. وقيعا سالدارىنان 11 ادام قازا تاپۋىپ، 6 ادام ءتۇرلى دەڭگەيدە جاراقاتتانعان. قازىرگى ۋاقىتتا قىلمىسقا بارعان 46 جاستاعى روبەرت بوۋەرس ۇستالىپ، تەرگەۋ جۇمىستارى جۇرگىزىلىپ جاتىر.

"The Qazaq Times"