ارگەنتينادا بيلىككە قارسى نارازىلىق اكتسياسى ءوتتى

بۋەنوس-ايرەستە بيۋدجەت جوباسىنا قارسى نارازىلىق اكتسياسى ءوتتى.

جەرگىلىكتى حالىق بيلىك ۇسىنعان الەۋمەتتىك سالاعا قاتىستى مەملەكەتتىك شىعىنداردى قىسقارتۋعا باعىتتالعان بيۋدجەت جوباسىن قاتاڭ سىنعا الدى. ارگەنتينا كونگرەسى عيماراتىنىڭ الدىنا جينالعان مىڭداعان ادام «ادىلدىك ءۇشىن!»، «نەگىزسىز شەشىم!» سىندى پلاكاتتارمەن بيلىككە قارسى ۇراندادى. اكتسياعا قاتىسۋشىلاردى توقتاتۋ ءۇشىن پوليتسەيلەر كوز جاساۋراتاتىن گاز بەن سۋ اتقىش قولدانىپ، بىرنەشە ادامدى تۇتقىنعا الدى.

ازىرشە ارگەنتينا بيلىگى حالىق مۇددەسىن ەسكەرەتىن ناقتى قارار قابىلداعان جوق. ولاردىڭ ايتۋىنشا، اتالعان شارا ەلدەگى بيۋدجەت دەفيتسيتىن قىسقارتۋ ءۇشىن ءتيىمدى. بولجام بويىنشا، بيىلعى ينفلياتسيا 42% شاماسىندا بولۋى مۇمكىن. وسىعان دەيىن قارجى داعدارىسى مەن پەسونىڭ قۇلدىراۋىنا بايلانىستى ارگەنتينانىڭ ورتالىق بانكى پايىزدىق مولشەرلەمەنى 60%-عا كوتەرگەن.

"The Qazaq Times"