ستامبۇل قالاسىندا جوعالىپ كەتكەن «The Washington Post» ءجۋرناليسىنىڭ دەنەسى تابىلدى.

جەرگىلىكتى باق وكىلدەرىنىڭ مالىمەتىنشە، ستامبۇل قالاسىندا جوعالىپ كەتكەن «The Washington Post» باسىلىمىنىڭ ءجۋرناليسى جامال حاشوگگيدىڭ دەنەسى ساۋد ارابياسىنىڭ ستامبۇل قالاسىنداعى كونسۋلدىعىنىڭ اۋماعىنداعى قۇدىقتان تابىلعان.

ەستەرىڭىزگە سالايىق، 2 قازان كۇنى باق بەتتەرىندە «The Washington Post» باسىلىمىنىڭ ءجۋرناليسى ستامبۇل قالاسىنداعى ساۋد ارابيا كونسۋلدىعىنا كىرىپ، كەرى شىقپادى» دەگەن اقپارات تاراعان. كەيىننەن تۇركيا پوليتسياسى جامال حاشوگگيدىڭ ولىمىنە قاتىسى بار دەگەن كۇدىكپەن 18 ادامدى قاماۋعا الىپ، ەل پرەزيدەنتى رەجەپ تايىپ ەردوعان ساۋد ارابيا كورولدىگىنەن كونسۋلدىق عيماراتىنداعى بەينەكامەرا جازبالارىن جاريالاۋدى تالاپ ەتكەن.

جامال حاشوگگي ءوزىنىڭ ماتەريالدارىندا ساۋد ارابيا بيلىگى مەن مۇراگەر حانزاداسىن ءجيى سىناعان.

"The Qazaq Times"