رەسەي ءسىم سەرگەي لاۆروۆ.

رەسەي ءسىم سەرگەي لاۆروۆ: «رەسەي ناتو كەمەلەرىن ازوۆ تەڭىزىنە كىرگىزبەيدى» - دەپ مالىمدەدى.

قازان ايىنىڭ 18-ءى كۇنى فرانتسيا باق وكىلدەرىنە سۇحبات بەرگەن سەرگەي لاۆروۆ ۋكراينا ماسەلەسىنە توقتالدى. وندا ول: «رەسەي  مەن ۋكراينا اراسىنداعى كەلىسىم بويىنشا، ازوۆ تەڭىزىنە ناتو كەمەلەرىن كىرگىزۋ ءۇشىن ەكىجاقتىق كەلىسىم قاجەت. قازىر ۋكراينا ازوۆ اۋماعىندا اسكەري وقۋ-جاتتىعۋ جۇمىستارىن وتكىزۋ ءۇشىن ناتو كەمەلەرىن شاقىرۋدا. بىراق بۇل مۇمكىن ەمەس دۇنيە. رەسەي ناتو كەمەلەرىن ازوۆ تەڭىزىنە كىرگىزۋگە قارسى. ءبىزدىڭ قىتايمەن بىرلەسىپ سىبىردە وتكىزگەن وقۋ-جاتتىعۋ جۇمىستارىمىز ارانداتۋشىلىق ەمەس. كەرسىنشە،  ناتو-نىڭ ۋكراينا، گرۋزيا جانە قارا تەڭىزدە وتكىزگەن اسكەري وقۋ-جاتتىعۋ جۇمىستارى ارانداتۋشىلىق» - دەپ مالىمدەدى.

ەستەرىڭىزگە سالايىق، وتكەن اپتادا ۋكراينا قارۋلى كۇشتەرى ازوۆ تەڭىزىن اۋماعىندا اسكەري وقۋ-جاتتىعۋ جۇمىستارىن وتكىزگەن. وعان ۋكراينا اسكەري تەڭىز كۇشتەرىنىڭ تانك ءبولىمى، اسكەري اۋە كۇشتەرى، جاعالاۋ ارتيللەرياسى قاتىسقان.

"The Qazaq Times"