فوتو: كازتاگ

جاپونيا مەن سولتۇستىك كورەيا بارلاۋ قىزمەت وكىلدەرى موڭعوليادا قۇپيا كەزدەسۋ وتكىزدى.

Kyodo اگەنتتىگىنىڭ مالىمەتىنشە، قازان ايىنىڭ 6-ى مەن 8-ءى كۇندەرى ارالىعىندا ۇلان-باتىر قالاسىندا جاپون ۇكىمەتىندەگى بارلاۋ ىستەرىنە جاۋاپتى سيگەرۋ كيتامۋرا مەن سولتۇستىك كورەيا اۋماعىندا اقپارات جيناۋمەن اينالىساتىن كورەي جۇمىسشىلار پارتياسى بىرلەسكەن فرونت بارلاۋ قىزمەتىنىڭ باسشىسى كيم سون حە كەزدەسكەن. كەزدەسۋ بارىسىندا قوس تاراپ 1970-1980 جىلدارى سولتۇستىك كورەيا ارنايى قىزمەت وكىلدەرى ۇرلاپ الىپ كەتكەن جاپونيا ازاماتتارىن ەلگە قايتارۋ ماسەلەلەرىن جانە رەسمي توكيو مەن پيوڭياڭ باسشىلارىنىڭ بىرلەسكەن ءسامميتىن وتكىزۋ جونىندە كەلىسسوزدەر جۇرگىزگەن.

بۇعان دەيىن جاپونيا مەن سولتۇستىك كورەيا بارلاۋ قىزمەت وكىلدەرى ۆەتنامدا كەزدەسكەن. ساراپشىلار پىكىرىنشە، ەكى جاقتىڭ بارلاۋ قىزمەت وكىلدەرىنىڭ ءۇشىنشى ءبىر مەملەكەتتەردىڭ اۋماعىندا كەزدەسۋى توكيو مەن پيوڭياڭ اراسىندا تىكەلەي ديپلوماتيالىق قارىم-قاتىناستىڭ وتە تومەن دارەجەدە ەكەندىگىن كورسەتەدى.

ايتا كەتەتىن ءبىر جايت، بۇدان ءسال ەرتەرەكتە جاپونيا پرەمەر-ءمينيسترى سيندزو ابە سولتۇستىك كورەيا باسشىسى كيم جوڭ ۋنمەن كەزدەسىپ، پيوڭياڭ ارنايى قىزمەت وكىلدەرى ۇرلاپ الىپ كەتكەن جاپون ازاماتتارىنىڭ ماسەلەسىن تالقىلاۋعا دايىن ەكەندىگىن مالىمدەگەن.

"The Qazaq Times"