اننەكسيالانعان قىرىمنىڭ كەرچ قالاسىنداعى پوليتەحنيكالىق كوللەدجىندە بولعان اتىس پەن جارىلىستان زارداپ شەككەن بەس ادام كومادا جاتىر.
جانساقتاۋ بولىمىنە بارلىعى ون ادام تۇسكەن. بۇل تۋرالى "روسسيا 24" تەلەارناسىنىڭ ەفيرىندە رەسەيدىڭ دەنساۋلىق ساقتاۋ ءمينيسترى ۆەرونيكا سكۆورتسوۆا حابارلادى.
قىرىم باسشىسى سەرگەي اكسەنوۆتىڭ حابارلاۋىنشا، كوللەدجدە اتىس شىعارعان ستۋدەنت قىلمىسقا الدىن الا دايىندالعان. قازان ايىندا وعان اڭ اۋلاۋعا ارنالعان قارۋعا رۇقسات بەرىلگەن.
"ينتەرفاكس" دەرەككوزى شابۋىلداۋشى مۇعالىممەن ارازدىعى ءۇشىن وسىلاي جاساۋى مۇمكىن ەكەندىگىن ايتقان.
17 قازاندا كەرچ قالاسىنداعى پوليتەحنيكالىق كوللەدجدە بولعان شابۋىلدان كەم دەگەندە 19 ادام قازا تاۋىپ، شامامەن 70 ادام زارداپ شەكتى. وقۋ مەكەمەسىنە شابۋىلدى 18 جاستاعى ستۋدەنت ۆلاديسلاۆ روسلياكوۆ جاسادى. ول كەيىننەن ءوز ءوزىن اتىپ ولتىرگەن.
ماسكەۋ باقىلاۋىنداعى قىرىمدا ازا تۇتۋ كۇندەرى جاريالاندى. رەسەي پرەزيدەنتى ۆلاديمير پۋتين شابۋىلداۋشىنىڭ ءموتيۆىن انىقتاۋدى تاپسىردى. كەرچتەگى شابۋىلدان وپات بولعانداردىڭ تۋىستارىنا ۋكراينا پرەزيدەنتى پەتر پوروشەنكو كوڭىل ايتتى.
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ