قر پارلامەنتى سەناتىنىڭ توراعاسى قاسىم-جومارت توقاەۆ. فوتو: inform.kz

قر سەنات توراعاسى ق.توقاەۆ قاراتەڭىزدىڭ ۇستىندە اپاتقا ۇشىراعان تۋ-154 ۇشاق بورتىندا قايتىس بولعاندارعا بايلانىستى رەسەي حالقىنا كوڭىل  ايتتى. بۇنى سەنات توراعاسى Twitter پاراقشاسىندا جاريالادى.

«قارا تەڭىز ۇستىندەگى اۋە اپاتىنان قايتىس بولعانداردىڭ جاقىندارىنا قايعىرىپ كوڭىل ايتامىن. تراگەديا» دەلىنگەن كوڭىل ايتۋدا.


اۋە اپاتى كەشە، 25 جەلتوقسان، جەكسەنبى كۇنى تۋىلعان. سيرياعا باعىت العان رەسەي قورعانىس مينيسترلىگىنىڭ تۋ-154 سامولەتى قاراتەڭىزدىڭ ۇستىندە اپاتقا جولىقتى. ۇشاقتا 92 ادام بولعان. ونىڭ 8-ءى ەكيپاج مۇشەلەرى. قالعان 84 جولاۋشىنىڭ ىشىندە 8 اسكەري قىزمەتشى، 64 ءارتىس، (الەكساندروۆ اتىنداعى انسامبل مۇشەلەرى). 9 تەلەارنا ءجۋرناليستى بولعان. سونداي-اق، «ءادىل كومەك» قايىرىمدىلىق قورىنىڭ جەتەكشىسى، «دوكتور ليزا» اتىمەن تانىمال ەليزاۆەتا گلينكا جانە ەكى فەدەرالدىق مەملەكەت قىزمەتكەرى بار.

«The Qazaq Times»