فوتو: Kapital.kz

قازاقستان وزبەكستان، قىرعىزستان جانە رەسەيدەن كەلگەن 165 توننا ازىق-تۇلىك ونىمدەرىن كىرگىزبەي تاستادى.

قر اۋىل شارۋاشىلىعى مينيسترلىگىنە قاراستى كارانتينگە قارسى ينسپەكتسياسى 10-12 قازان كۇندەرى ارالىعىندا ەل اۋماعىنا وزبەكستان، قىرعىزستان جانە رەسەيدەن كەلگەن 165 توننا جوعارى فيتوسانيتارلىق قاتەر توندىرەتىن كارانتيندىك ونىمدەردى ەل اۋماعىنا كىرگىزبەي تاستادى.

تەكسەرۋ بارىسىندا رەسەيدەن كەلگەن 141 توننا بيداي مەن قىرعىزستاننان كەلگەن 20 توننا ءجۇزىم مەن 2 توننا المانىڭ ءتيىستى فيتوسانيتارلىق سەرتيفيكاتتارىنىڭ بولماعاندىعى انىقتالعان. بۇدان بولەك وزبەكستاننان كەلگەن 2,5 توننا قۇرمانىڭ كارانتيندىك ايماقتا وندىرىلگەندىگى بەلگىلى بولعان.

"The Qazaq Times"