اقش-تىڭ قىتايداعى ەلشىلىگى بەيجىڭ بيلىگىنىڭ ءسوزىن سويلەدى

ترامپ ۇكىمەتى قىتاي بيلىگىنە قاراتا ايىپتاۋلار جولداپ، بەيجىڭ ساياساتىن سىنعا الىپ جاتقان تۇستا، اقش-تىڭ قىتايدا تۇراتىن باس ەلشىلىگى بەيجىڭنىڭ ءسوزىن سويلەپ شىقتى. ءبىر كۇن بۇرىنعى اقش-تىڭ قىتايداعى ەلشىلىگىنىڭ مالىمدەمەسىندە ترامپتىڭ قىتاي ۇكىمەتىنە قاراتقان، سونىڭ ىشىندە اقش-تاعى سايلاۋعا ارالاسۋ ءىسىن قامتىعان ايىپتاۋلارى نەگىزسىز ەكەنىن ايتتى. بۇل تۋرالى  VOA جاڭالىقتار قىزمەتى مەن قىتايدىڭ رەسمي اقپارات اگەنتتىكتەرى حابارلادى.

اق ءۇي بيلىگى وسىدان بۇرىن الەمدى ءدۇر سىلكىندىرگەن اقپاراتتى تاراتىپ، قىتاي بيلىگىن اقش-تاعى سايلاۋعا ارالاسۋعا ارەكەتتەندى، سول ارقىلى رەسپۋبليكاشىلدارعا داۋىس بەرۋشىلەردى بۇرىپ اكەتپەك بولدى دەپ ايىپتاعان ەدى. دەگەنمەن، اق ءۇي بۇل ايتىلعانداردىڭ ناقتى دالەلدەرىن اشىپ جاريا ەتپەكەن بولاتىن.

اق ءۇي جانە قىتايدىڭ اعىلشىن تىلىندەگى رەسمي باسىلىمى «China Dail» كوپتەگەن امەريكالىق گازەتتەردىڭ كىرىسپە بەتتەرىندە ءوزىن جارنامالاعانىن ايتقان ەدى.

وسىعان بايلانىستى اقش-تىڭ قىتايداعى باس ەلشىسى تسۋي تيانكاي: «ينتەرفاكستىك جارنامالار  امەريكالىق باق-تاعى كەڭ تارالعان ءادىس. ءوز پىكىرىڭىز ءۇشىن گازەتتەگى كىرىسپە جارنامانى ساتىپ الۋ قالىپتى ءىس»، – دەگەن پىكىر بىلدىرگەن. ول جانە اقش-قىتاي اراسىنداعى ساۋدا سوعىسىنىڭ بولىپ جاتقانىن دا تەرىستەيدى. «بۇل بار بولعانى ەكى جاقتىڭ ساۋدا تاريفتەرىنىڭ جوعارلاۋى عانا»، – دەپ باعالاپ وتىر.

تسۋي تيانكايدىڭ ايتۋىنشا، اقش تارابىنىڭ قىتايدى ايىپتاپ، وڭتۇستىك قىتاي تەڭىزىندەگى اسكەري قادامدارىن سىنعا العاننان كەيىن ەكى ەل اراسىنداعى اسكەري شيەلەنىستىڭ دە ارتا تۇسكەنىن، بۇل قايشىلىقتاردى ترامپ پەن شي اراسىندا كەلىسسوز ارقىلى شەشۋ كەرەكتىگىن ايتادى.

“The Qazaq Times”