تاجىكستان كەدەن قىزمەتىنىڭ ءباسپاسوز حاتشىسى پولكوۆنيك فاحريددين سوبيروۆ ەسىن جيماستان قايتىس بولدى. 

دۋشانبە قالالىق ىشكى ىستەر ءبولىمى وفيتسەرگە بەلگىسىز بىرەۋلەر شابۋىل جاسادى دەگەن اقپاراتتى جوققا شىعاردى. ميليتسياسىنىڭ مالىمەتى بويىنشا، فاحريددين سوبيروۆ قان قىسىمىنىڭ كوتەرىلۋىنەن ەسىنەن تانىپ قالعان.

بەينەباقىلاۋ كامەرالارىن زەرتتەگەن ميليتسيا قىزمەتكەرلەرى ەشقانداي شابۋىل جاسالماعانىن حابارلاعان. دارىگەرلەر ونىڭ قان قىسىمى 220-عا دەيىن كوتەرىلگەنىن ايتقان.

سوبيروۆقا شابۋىل جاسالعان دەگەن مالىمەتتى ونىڭ تۋىستارى تاراتقان. ولار شابۋىل سەبەبىن بىلمەيدى. وفيتسەردىڭ اپكەسى سايورا سوبيروۆانىڭ ايتۋىنشا، وعان شابۋىل جاساپ، باسىنان اۋىر ءبىر زاتپەن ۇرعان.

ء"بىز ونى اۋرۋحاناعا جەتكىزگەندە، ول ەسىن بىلمەيتىن. دارىگەرلەر فاحريددين ءوزى قۇلاپ، باسىن تاسقا جارىپ الدى دەگەنگە سەنبەيدى. ولار باسىنان اۋىر زاتپەن ۇرعان دەپ بولجايدى", - دەدى سوبيروۆا.

فاحريددين سوبيروۆ كەدەن قىزمەتى ءباسپاسوز حاتشىسى قىزمەتىنە ءبىر اپتا تۇرىن تاعايىندالعان.

"The Qazaq Times"