فوتو: upl.uz

ءوزبەكستاننىڭ ەڭ قالاسىندا - فەرعانا مەن جيزاقتا جيىرما كءۇن بۇرىن باعدارشامداردا قىزىلعا وڭعا بۇرىلۋعا رۇقسات بەرەتىن جازۋ پايدا بولدى. بۇل تۋرالى "ورتالىق ازيا حابار قىزمەتى" جازادى. 

جول ەرەجەسىندەگى بۇل تاجىريبە جاقىندا تاشكەنتكە دە جەتەدى. مۇنداي وزگەرىس جول ايرىقتارىندا كولىك كەپتەلىسىنەن ارىلۋ ءۇشىن قولدانىلىپ وتىر.

"قىزىلعا وڭعا بۇرىلۋ" ەرەجەسى الەمنىڭ كوپتەگەن ەلدەرىندە بار.

"وسى تىزىمگە وزبەكستان دا ەنۋى مۇمكىن. بىراق بۇل تاجىريبەنىڭ ءساتتى ءوتۋى كولىك جۇرگىزۋشىلەرىنە دە بايلانىستى. جول ءجۇرۋ مادەنيەتىنىڭ جوعارىلىعىن كولىك جۇرگىزۋشىلەرى دالەلدەۋى ءتيىس", - دەدى ءىىم ءباسپاسوز قىزمەتىنىڭ ينسپەكتورى اكمال ءجۇنىسوۆ.

وزبەكستان جول ءجۇرۋ ەرەجەسى بويىنشا، باعدارشامدا قىزىل جانىپ تۇرعاندا ەشقايدا بۇرىلۋعا بولمايدى. كولىك جۇرگىزۋشىلەرى جاسىل ءتۇس جانعانشا كولىكتى توقتاتا تۇرۋى كەرەك. سونىڭ كەسىرىنەن تاشكەنت سەكىلدى ءىرى قالالاردىڭ كوشەلەرىندە كولىك كەپتەلىسى پايدا بولادى، دەپ ەسەپتەيدى كولىك جۇرگىزۋشىلەرى.

“The Qazaq Times”