جاساندى ينتەللەكت ۋاقىت وتكەن سايىن ءارتۇرلى دەرەكتەردى جىلدام ۇيرەنۋدەن تاڭ قالدىرىپ كەلەدى. ەگەر بۇرىن «ءبىلىم دەڭگەيىن» سول جۇيەگە ارنايى اقپارات كوزدەرىن ەنگىزۋ ارقالى جوعارىلاتىپ وتىراتىن بولسا، قازىرگى كەزدە كەمبريدج ۋنيۆەرسيتەتىنىڭ Microsoft Research ماماندارىنىڭ ارقاسىندا جاساندى ينتەللەكتىنىڭ تىڭ نارسەلەردى «ۇيرەنۋى»  جەڭىلدەي ءتۇستى. DeepCoder اتالاتىن جاساندى ينتەللەكت جۇيەسى وزدىگىنەن دايىن كودتاردى وزگە اپپاراتتاردان الۋ ارقىلى، وتە كۇردەلى (ازىرگە) پروگراممالاردى جازا الادى. بۇل تۋرالى hi-news حابارلايدى.

DeepCoder جاساندى ينتەللەكت جۇيەسىنىڭ نەگىزى پروگراممالىق سينتەز بولىپ تابىلادى.  اتالمىش  DeepCoder جي جۇيەسىن ادام دەپ الىپ، قاراپايىم تىلمەن تۇسىندىرەر بولساق،  بىلەتىنى ءوز جادىندا تۇرادى دا، بىلمەيتىنىن وزگەلەردەن الادى. ونىڭ ەرەكشەلىگى دە سوندا. وزدىگىنەن بەلگىلى ءبىر كودتاردى تەرە الادى جانە وزىندە جوق اقپاراتتاردى وزىنە جۇكتەي الادى. ونىڭ ءوزىن كەز كەلگەن اقپاراتتى ەمەس،  وندىرۋشىلەردىڭ ايتۋىنشا، وزىنە كەرەكتى اقپاراتتى اجىراتا الاتىن اقىلدى جۇيە. سونىمەن قاتار، جاساندى ينتەللەكت ادامنىڭ ويىنا كەلمەيتىن نارسەلەردى دە ويلاۋى مۇمكىن دەگەن بولجامدار ايتىلۋدا.

DeepCoder-ءدىڭ ماڭىزدى بولىگى رەتىندە ىزدەۋ ماشيناسىن ايتۋعا بولادى. ونىڭ نەگىزگى قىزمەتتى اقپاراتتاردى ىزدەيدى جانە جالپى قولجەتىمدى اقپاراتتاردى اناليز جاساپ، ىرىكتەپ بەرە الادى. ايتا كەتۋ كەرەك، وسىندا ءتاسىلدى  ۇنەمى جاڭا جۇيەلەرمەن جۇمىس جاسايتىن، كەيبىر پروگرامميست ماماندار دا قولدانادى.

«The Qazaq Times»