يران ۇكىمەتى اقش سانكتسياسىنا يلىكپەيتىنىن مالىمدەدى. ەلدىڭ ءبىرىنشى ۆيتسە-پرەزيدەنتى ەسحاك جاھانگەريدىڭ حابارلاۋىنشا، يران مۇنايىن ساتىپ الۋشى جاڭا سەرىكتەستەر تاپقان. بۇل تۋرالى «ISNA» حابارلادى.

جاھانگەردىڭ ايتۋىنشا، بۇعان دەيىن يران مۇنايىن تۇتىنا الماعان كوپتەگەن ەلدەر، بۇگىندە يران مۇنايىن ساتىپ الۋدىڭ  جاڭا مۇمكىندىكتەرىن قاراستىرىپ وتىر. ءتىپتى، تەھران (تەگەران) جاڭا سەرىكتەستەرىمەن بىرقاتار كەلىسىمدەرگە دە كەلىپ ۇلگەرگەن.

ەستەرىڭىزگە سالا كەتەيىك، ءسال ەرتەرەكتە ءۇندىستاننىڭ مۇناي باسشىسى دحارمەندرا پرادحان اقش-تىڭ سالىنۋى مۇمكىن سانكتسيالارىنا قاراماستان، يراننىڭ شيكى مۇنايىن ساتىپ الۋدى جالعاستىرا بەرەتىندىكتەرىن مالىمدەگەن بولاتىن. وسىلايشا، يران ەلى وزدەرىنە جاڭا سەرىكتەستەر تابۋدى باستى جوسپارعا قويىپ وتىر.

  “The Qazaq Times”