Иранның вице-президенті Жаһагери. Фото: ISNA,

Иран үкіметі АҚШ санкциясына илікпейтінін мәлімдеді. Елдің бірінші вице-президенті Эсхак Жаһангеридің хабарлауынша, Иран мұнайын сатып алушы жаңа серіктестер тапқан. Бұл туралы «ISNA» хабарлады.

Жаһангердің айтуынша, бұған дейін Иран мұнайын тұтына алмаған көптеген елдер, бүгінде Иран мұнайын сатып алудың  жаңа мүмкіндіктерін қарастырып отыр. Тіпті, Теһран (Тегеран) жаңа серіктестерімен бірқатар келісімдерге де келіп үлгерген.

Естеріңізге сала кетейік, сәл ертеректе Үндістанның мұнай басшысы Дхармендра Прадхан АҚШ-тың салынуы мүмкін санкцияларына қарамастан, Иранның шикі мұнайын сатып алуды жалғастыра беретіндіктерін мәлімдеген болатын. Осылайша, Иран елі өздеріне жаңа серіктестер табуды басты жоспарға қойып отыр.

  “The Qazaq Times”