اۋعانستاندا 2018 جىلى اسكەري وپەراتسيالار سالدارىنان 3 مىڭعا جۋىق ادام كوز جۇمعان.

بىرىككەن ۇلتتار ۇيىمىنىڭ اۋعانستانعا كومەك ميسسياسىنىڭ مالىمەتى بويىنشا، 2018 جىلدىڭ 1 قاڭتارى مەن 30 قىركۇيەگى اراسىندا اۋعانستان اۋماعىندا اسكەري وپەراتسيالار سالدارىنان 2798 ادام كوز جۇمىپ، 5252 ادام جاراقات العان.

وتكەن جىلمەن سالىستىرعاندا زارداپ شەككەندەردىڭ سانى 3 پايىزعا ازايعان. الايدا كوز جۇمعاندار سانى بىلتىرعى جىلمەن سالىستىرعاندا 5 پايىزعا كوبەيگەن. بەيبىت تۇرعىندار ءولىمىنىڭ نەگىزگى فاكتورى تەررورلىق شابۋىلدار مەن ادام كوپ شوعىرلانعان جەرلەرگە قويىلعان جارىلعىش زاتتاردىڭ ىسكە قوسىلۋى.

"The Qazaq Times"