بۇگىن فرانتسيانىڭ ليون الاڭىندا تەررورلىق ارەكەتتى الدىن-الۋ ماقساتىندا اۋقىمدى وقۋ-جاتتىعۋ ءوتتى.
Francetvinfo.fr تىلشىلەرىنىڭ حابارلاۋىنشا، جاتتىعۋ ارنايى ستسەناري بويىنشا وتكىزىلگەن. ياعني اۆتوماتتارمەن قارۋلانعان 12 جانكەشتى جەرگىلىكتى تۇرعىندارعا شابۋىل جاساپ، توعىزىن ولتىرەدى. ءتىرى قالعانداردى كەپىلدىككە الىپ، الاڭداعى سپورت كەشەنىن قورشايدى. وسىنداي كەنەتتەن بولعان جاعدايدا شۇعىل ارەكەت ەتۋ كەرەك. بۇل وپەراتسياعا بارلىعى 450 ءتارتىپ ساقشىسى قاتىستى.
ىشكى ساياسات، ميگراتسيا جانە ازاماتتىق ماسەلەلەر جونىندەگى ەۋروپا كوميسسارى ديميتريس اۆراموپۋلوس لاڭكەستىكپەن كۇرەسۋ بارشا ەلدىڭ مىندەتى جانە بۇل جاتتىعۋلاردىڭ نەگىزگى ماقساتى – الەم ءۇشىن قاۋىپكە اينالعان تەررورلىق ارەكەتتەرگە قارسى كۇرەسىپ، اسكەري تاجىريبە ورنىقتىرۋ ەكەنىن ايتتى.
ءىرى كولەمدەگى وقۋ-جاتتىعۋ بارىسىن فرانتسيا، ۇلىبريتانيا، گەرمانيا، يتاليا، پولشا جانە يسپانيا مەملەكەتتەرىنىڭ ىشكى ىستەر مينيسترلىگى وكىلدەرى باقىلاعان.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى