Фото: pmo.ee

Бүгін Францияның Лион алаңында террорлық әрекетті алдын-алу мақсатында ауқымды оқу-жаттығу өтті.

Francetvinfo.fr тілшілерінің хабарлауынша, жаттығу арнайы сценарий бойынша өткізілген. Яғни автоматтармен қаруланған 12 жанкешті жергілікті тұрғындарға шабуыл жасап, тоғызын өлтіреді. Тірі қалғандарды кепілдікке алып, алаңдағы спорт кешенін қоршайды. Осындай кенеттен болған жағдайда шұғыл әрекет ету керек. Бұл операцияға барлығы 450 тәртіп сақшысы қатысты.

Ішкі саясат, миграция және азаматтық мәселелер жөніндегі Еуропа комиссары Димитрис Аврамопулос лаңкестікпен күресу барша елдің міндеті және бұл жаттығулардың негізгі мақсаты – әлем үшін қауіпке айналған террорлық әрекеттерге қарсы күресіп, әскери тәжірибе орнықтыру екенін айтты.

Ірі көлемдегі оқу-жаттығу барысын Франция, Ұлыбритания, Германия, Италия, Польша және Испания мемлекеттерінің ішкі істер министрлігі өкілдері бақылаған.

"The Qazaq Times"