رەسەي ليۆياعا اسكەر كىرگىزدى

رەسەي ليۆياعا اسكەر كىرگىزدى – دەپ حابارلايدى ربك تەلەارناسى.

ربك-نىڭ كرەملدەگى اقپارات كوزدەرىنىڭ مالىمەتىنشە،رەسەي سوڭعى ءبىر اپتادا ليۆيا اۋماعىنا بىرنەشە ارنايى دايىندىقتان وتكەن دەسانت قوسىندارىن اتتاندىرعان. ماسكەۋدىڭ ليۆياداعى باستى وداقتاستارىنىڭ ءبىرى ارميا مارشالى حاليف حافتەر. الدىن الا بولجام بويىنشا، كرەمل حاليف حافتەرمەن ليۆياداعى مۇناي-گاز سالاسىن يگەرۋگە بايلانىستى كەلىسىمگە كەلگەن.

بۇعان دەيىن قازان ايىنىڭ 9-ى كۇنى ۇلىبريتانيا بارلاۋ قىزمەتى پرەمەر-مينيستر تەرەزا مەيگە «رەسەي ليۆياعا اسكەر كىرگىزۋدە» دەگەن اقپارات بەرگەن. ۇلىبريتانيا ارناي قىزمەتىنىڭ پىكىرىنشە، رەسەي ليۆيانى جاڭا سۇرياعا اينالدىرعىسى كەلەدى. ولار وسى ارقىلى كۇن سايىن ەۋروپاعا اعىلىپ جاتقان بوسقىندار تولقىنىن باقىلاۋدا ۇستاۋدى كوزدەپ وتىر.

ۇلىبريتانيا بيلىگىنىڭ بۇل ايىبىنا رەسەي مەملەكەتتىك دۋماسى:«رەسەي ليۆياعا اسكەر كىرگىزدى» دەگەن سارىنداعى مالىمدەمەلەردىڭ بارلىعى نەگىزسىز» دەپ جاۋاپ بەردى.

"The Qazaq Times"