CNN: اقش تەڭىز ارمياسى قىتايعا سەس كورسەتپەك

قاراشا ايىندا اقش تەڭىز كۇشتەرى اۋقىمدى اسكەري وقۋ-جاتتىعۋىن وتكىزىپ، قىتاي قارۋلى كۇشتەرىنە قارسى تۇرا الاتىندىقتارىن ايگىلەپ، ەسكەرتۋ جاساۋى مۇمكىن. بۇل تۋرالى CNN حابار تاراتتى.

اقش تەڭىز ارمياسىنداعى قۇپيا دەرەككوزدەرگە سىلتەمە جاساعان اگەنتتىك، وقۋ-جاتتىعۋدىڭ قىتاي وڭتۇستىك تەڭىزىندە، تايۋان (تايۆان) بۇعازىندا، ودان ارى لاتىن امەريكا مەن رەسەي ماڭىنا دەيىن كەڭەيۋى مۇمكىن ەكەنىن مالىمدەگەن.

ءوز اتى-ءجونىن بىلدىرگىسى كەلمەگەن اقش-تىڭ اسكەري شەندىسى CNN-گە جاساعان مالىمدەمەسىندە: «بۇل ءبىزدىڭ الداعى جوسپارلارىمىزدىڭ تەك بىرەۋى عانا»، – دەگەن.

ال پەنتاگون مەن تىنىق مۇحيت اسەري قولباسشىلىق شتابى بۇل اۋقىمدى اسكەري جاتتىعۋ تۋرالى ەشقانداي رەسمي مالىمەت تاراتپاعان. ساراپشىلاردىڭ پىكىرىنە سەنسەك، اسكەري جاتتىعۋ ەلدە قاراشا ايىندا وتەتىن كونگرەسستەگى سايلاۋعا ءوز اسەرىن تيگىزۋى مۇمكىن.

ەسكە سالا كەتەيىك، قازان ايىنىڭ باس شەنىندە اتالعان تەڭىز ايدىنىندا اقش پەن قىتاي سوعىس كەمەلەرى سوقتىعىسىپ قالا جازداعان. ەكى الپاۋىت ەلدىڭ تىنىق مۇحيتتىڭ باتىسىنداعى باقتالاستىعى كۇردەلى قايشىلىققا ۇلاسىپ كەلەدى.

“The Qazaq Times”