АҚШ-тың Тынық мұхиттағы әскери күштері. Фото: VOA.

Қараша айында АҚШ теңіз күштері ауқымды әскери оқу-жаттығуын өткізіп, Қытай қарулы күштеріне қарсы тұра алатындықтарын әйгілеп, ескерту жасауы мүмкін. Бұл туралы CNN хабар таратты.

АҚШ Теңіз армиясындағы құпия дереккөздерге сілтеме жасаған агенттік, оқу-жаттығудың Қытай Оңтүстік теңізінде, Тайуан (Тайвань) бұғазында, одан ары Латын Америка мен Ресей маңына дейін кеңеюі мүмкін екенін мәлімдеген.

Өз аты-жөнін білдіргісі келмеген АҚШ-тың әскери шендісі CNN-ге жасаған мәлімдемесінде: «Бұл біздің алдағы жоспарларымыздың тек біреуі ғана», – деген.

Ал Пентагон мен Тынық мұхит әсери қолбасшылық штабы бұл ауқымды әскери жаттығу туралы ешқандай ресми мәлімет таратпаған. Сарапшылардың пікіріне сенсек, әскери жаттығу елде қараша айында өтетін Конгресстегі сайлауға өз әсерін тигізуі мүмкін.

Еске сала кетейік, қазан айының бас шенінде аталған теңіз айдынында АҚШ пен Қытай соғыс кемелері соқтығысып қала жаздаған. Екі алпауыт елдің Тынық мұхиттың батысындағы бақталастығы күрделі қайшылыққа ұласып келеді.

“The Qazaq Times”