ترامپ الەمدەگى ەڭ ىقپالدى الەۋمەتتىك جەلىلەردىڭ جەتەكشىلەرمەن كەزدەسپەك

اقش پرەزيدەنتىنىڭ الەۋمەتتىك جەلىدەگى بەلسەندىلىگى كوپكە ءمالىم.  ول ءوز تاراپىنان قابىلدانعان ماڭىزدى ساياسي شەشىمدەرى دە ەڭ الدىمەن ءوزىنىڭ Twitter پاراقشاسىنا جاريالايتىنى دا بەلگىلى.   تىپتى،  قىتاي، رەسەي، يران، تۇركيا قاتارلى ەلدەرگە سالىنعان سانكتسيالار تۋرالى دا ەڭ الدىمەن ترامپتىڭ Twitter پاراقشاسىنا جاريالانعان بولاتىن.  

پرەزيدەنتى ترامپ وسى ايدا وتەتىن الەۋمەتتىك مەديا سامميتىندە Google كومپانياسىنىڭ ديرەكتورى سۋندار پيچاي جانە وزگە دە جاڭا تەحنولوگيالىق كومپانيا باسشىلارىمەن كەزدەسۋ وتكىزۋدى جوسپارلاپ وتىر.

اق ءۇيدىڭ ەكونوميكالىق كەڭەسشىسى لارري كۋدلوۋ سەيسەنبى كۇنى  مالىمدەمە جاساپ، اقش ۇكىمەتى Facebook پەن Twitter كومپانيالارىنىڭ وكىلدەرىن دە كەزەكتى جينالىسقا قاتىسادى دەپ ۇمىتتەنەتىنىن جەتكىزدى.  كەزدەسۋ قازان ايىنىڭ ورتا شەنىندە ءوتۋى مۇمكىن، الايدا، ناقتى ۋاقىتى بەلگىلەنبەگەن.

ۋاشينگتون بيلىگىندە ترامپتى قامتىعان بىرقاتار كونسەرۆاتورلار Facebook, Google, Twitter قاتارلى الەۋمەتتىك جەلىلەردى وزدەرىنىڭ پلاتفورمالارىندا وڭشىلداردىڭ جۇمىستارىنا كەدەرگى كەلتىرەتىن ءبىر ءتۇرلى «قۇپيا تىيىم» دەپ ايىپتاپ كەلەدى.

اق ءۇي باسشىسىنىڭ ىقپالدى الەۋمەتتىك جەلىلەردىڭ جەتەكشىلەرىمەن كەزدەسۋ وتكىزۋى ونىڭ قۇراما شتاتتاعى جانە الەمدەگى يميدجىنە اسەر ەتۋى مۇمكىن.

“The Qazaq Times”