ابە جاپون كۇشتەرى تالقانداعان دارۆيندە تۇڭعىش رەت بىتىمگەرلىك كەلىسسوز جۇرگىزبەك

جاپونيا پرەمەر-ءمينيسترى سيندزو ابە قاراشا ايىندا جاپون كوشباسشىسى ءۇشىن ءبىرىنشى بولىپ دارۆين قالاسىنا بارادى.

كەزدەسۋ پورت-مورسبيدە اتەس كوشباسشىلارىنىڭ بىرلەسكەن ءسامميتى الدىندا بولادى. Sky News جانە ABC News-ءتىڭ حابارلاۋىنشا، جوسپارعا ساي جاپوندىق Inpex Corp كومپانياسى قۇنى 40 ميلليارد دوللار بولاتىن تابيعي گازدى سۇيىلتۋ جوباسىن (LNG) وتكىزبەك. سونداي-اق ەكى ەل اراسىنداعى كەلىسىم بويىنشا قورعانىس سالاسىنداعى بىرلەسكەن وقۋ-جاتتىعۋلار جاساپ، اۋستراليامەن اسكەري بايلانىستاردى نىعايتۋ ماقساتىندا كەلىسسوز جۇرگىزەدى.

ەسكە سالساق، 1942-1943 جىلدارى جاپونيانىڭ «اكاگي» جانە «كاگا» اسكەري كۇشتەرى دارۆين قالاسىنا شابۋىل جاساپ، سالدارىنان قالا تۇرعىندارىنىڭ باسىم بولىگى قازا تاپقان. سول ۋاقىتتان بەرى اۋسريالىق قالادا جاپون باسشىلارى كەلىسسوز جۇرگىزبەگەن. دەمەك، سيندزو ابە ەكىنشى دۇنيەجۇزىلىك سوعىس كەزىندە جاپون يمپەريالىق اسكەرى بومبالاعان دارۆينگە جاپون كوشباسشىلارىنىڭ العاشقىسى بولىپ ساپار شەكپەك.

"The Qazaq Times"