جانجال 12 قىركۇيەكتە كەشكىسىن تاجىكستاننىڭ يسفارا ەلدى مەكەنى مەن قىرعىزستاننىڭ باتكەن تۇرعىندارى اراسىندا بولعان. بۇل جولى داۋدىڭ باسى سۋدان بولعان.

تاجىك تاراپىنىڭ مالىمەتىنشە، باتكەن تۇرعىندارى «تودجيكون» اۋىلىنا سۋ قۇبىرىن وتكىزۋگە كەدەرگى كەلتىرگەن. سۋ قۇبىرىن جۇرگىزۋ ءۇشىن، اگا حان قورى 500 مىڭ سوموني (55 مىڭ دوللار شاماسىندا) بولگەن. بارلىق جۇمىستار ۋاقىتشا توقتاپ تۇر.

تاجىك بەلسەندىسى ادولات راحيموۆا سۋ قۇبىرى سالىناتىن اۋماقتىڭ داۋلى جەرگە ەش قاتىسى جوق دەيدى. «مەن كورشىلەردىڭ نارازىلىعىن تۇسىنبەيمىن. 1990 جىلدان بەرى اۋىلدا اۋىز سۋ جوق. سۋدى وزەننەن، كانالدان تاسىپ ىشۋگە ءماجبۇرمىز. جۇمىس ۋاقىتشا توقتاپ تۇر. زەرتتەۋ ناتيجەسىن كۇتىپ وتىرمىز»، - دەيدى راحيموۆا.

«تودجيكون» اۋىلىنىڭ تۇرعىندارى قىرعىز شەكاراشىلارى ءبىزدىڭ ءار قادامىمىزدى باقىلاپ وتىرادى دەيدى. قازىرگى ۋاقىتتا تۋىنداعان داۋدى تەكسەرۋ ءۇشىن كورشى اۋداننان پروكۋراتۋرا وكىلدەرى كەلگەن.

قىرعىزستان باق وكىلدەرىنىڭ مالىمەتىنشە، باتكەن (قىرعىزستان) اكىمى مەن يسفارا (تاجىكستان) اۋدانى باسشىسى كەلىسسوز جۇرگىزىپ جاتىر. مۇنان بولەك ەكى ءوڭىردىڭ وبلىس باسشىلارى جاقىن كۇندەرى كەزدەسۋ وتكىزبەك.

قىرعىزستاننىڭ باتكەن تۇرعىندارىنىڭ ايتۋىنشا، تاجىكستان ازاماتتارى سۋ قۇبىرىن قىرعىز اۋماعى ارقىلى جۇرگىزبەك بولعان. داۋدىڭ باسى وسىدان باستالعان.

رەسمي مالىمەت بويىنشا، تاجىك-قىرعىز شەكاراسىنىڭ جالپى قاشىقتىعى - 976 شاقىرىم، ونىڭ 504 كيلومەترى دەماركاتسيالانعان. قالعان ۋچاسكەلەر ءالى داۋلى كۇيىندە قالىپ وتىر.

"The Qazaq Times"