بۋەنوس-ايرەستە ون مىڭنان استام ادام نارازىلىق اكتسياسىن وتكىزدى. حالىق ەل پرەزيدەنتى ماۋريسيو ماكري مەن حالىقارالىق ۆاليۋتا قورىنا قارسى شەرۋ ۇيىمداستىرعان. بۇل جايلى telegraf.com حابارلايدى.
نارازى توپتار ۆاليۋتا قورىنىڭ بيۋدجەتتى ۇنەمدەۋ تۋرالى شەشىمدەرى بيلىكتەگى جەمقورلىقتىڭ ارتۋىنا سەپ بولادى دەيدى. سونىمەن قاتار، «ماكري ۇكىمەتىنىڭ مەملەكەتكە سالعىرت قاراۋىنىڭ كەسىرىنەن ارگەنتينالىقتاردىڭ حال-احۋالى ناشارلاپ كەتكەن». ال ۇكىمەتتىڭ سوزىنشە، اتالعان جوسپار بيۋدجەت دەفيتسيتىنىڭ كولەمىن ازايتىپ، ينفلياتسيادان شىعۋعا كومەكتەسەدى. بىراق، بيلىككە قارسى ۇيىمداستىرىلعان شەرۋدەن ناتيجە بولمايىنشا، حالىق شەرۋدى توقتاتپايتىنىن ايتتى.
بيىل مەملەكەتتە ينفلياتسيانىڭ كۇرت ارتۋى ۇلتتىق ۆاليۋتانىڭ قۇنسىزدانۋىنا اكەپ سوقتى. مۇنىڭ ارتى دەفولتقا ۇلاسسا، ەكونوميكالىق قۇلدىراۋ باستالادى. قازىردىڭ وزىندە ينفلياتسيا دەڭگەيى 30%-دان اسقان. سول سەبەپتى ماۋسىمدا ارگەنتينا بيلىگى قارجىلىق داعدارىسپەن كۇرەسىپ، ينۆەستورلاردى تارتۋ ماقساتىندا حالىقارالىق ۆاليۋتا قورىنان 50 ميلليارد دوللار كولەمىندە نەسيە الۋ تۋرالى كەلىسىمگە قول قويعان بولاتىن.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى