فوتو: c.files.bbci

«Times» جۋرنالىنىڭ حابارلاۋىنشا، Risk IQ امەريكالىق كومپانياسىنىڭ زەرتتەۋىنەن سوڭ بريتانياداعى 380 مىڭ تۇتىنۋشىنىڭ جەكە مالىمەتتەرىن رەسەيىك حاككەرلەر ۇرلاعانى ءمالىم بولدى. استىرتىن قۋلىققا «ەتى ۇيرەنگەن» حاكەرلەر بۇل ىستە ارنايى ينفراسترۋكتۋرا قۇرىپ، سايتتاعى قۇجاتتاردى جىمقىرعان.

كيبەرشاۋىلدىق ارەكەتتى زەرتتەۋمەن اينالىسقان ماماندار بريتانيا مەن رەسەي اراسىنداعى بايلانىس ودان ارى شيەلەنىسىپ، حاوس تۋىنداۋى مۇمكىن دەيدى. سونداي-اق «سكريپال ىسىنەن» سوڭ اشۋعا مىنگەن بريتانيا بيلىگى رەسەيلىك حاكەرلەردىڭ ارەكەتىنە كوز جۇمىپ قاراي المايتىنىن ايتتى.

ەسكە سالا كەتەيىك، ۇرلانعان دەرەكتەر قولما-قول اقشاسىز ەسەپشوتتاردى قامتىعان. حاكەرلەر كومپانيا كليەنتتەرىنىڭ ۇشۋ كەستەلەرى مەن تولقۇجاتتىق مالىمەتتەرى ساقتالعان اقپاراتقا قول جەتكىزە الماعان. كيبەرقىلمىسقا بارعان Magecart 2015 جىلدان بەرى اككى ارەكەتتەرىن جۇزەگە اسىرىپ كەلە جاتقاندىعى بەلگىلى بولدى.

"The Qazaq Times"