يتاليا بوسقىندار ماسەلەسىنە بايلانىستى ازيا جانە افريكا ەلدەرىمەن كەلىسىمشارت جاساسپاق

يتاليا ۇكىمەتى بوسقىندار ماسەلەسىن رەتتەۋ ءۇشىن ازيا جانە افريكا ەلدەرىمەن ەكىجاقتى كەلىسىمشارت دايىنداۋدا. بۇل تۋرالى يتاليا ۆيتسە-پرەمەرى ءارى ءسىم باسشىسى ماتتەو سالۆيني 10 قىركۇيەك كۇنى حابارلادى ، - دەپ جازادى lemonde.fr.

«اتالعان كەلىسىمشارت بوسقىنداردى كوشىرۋ جانە ولاردى «وتاندارىنا قايتارۋ» ماسەلەلەرىن رەتتەيتىن بولادى»، - دەگەن ۆيتسە-پرەمەر. جوعارىدا اتالعان ەلدەر تۋرالى كەڭىنەن ايتساق، ولار — تۋنيس، سەنەگال، پاكىستان، بانگلادەش، ەريترەي، مالي، گامبي، سۋدان، نيگەرا ي كوت د’يۆۋار ەلدەرى. ءسالۆينيدىڭ سوزىنشە، كەلىسىمشارتقا كۇز ايلارى اياقتالعانشا قول قويىلاتىن بولادى. «وسىلايشا، ۇكىمەت سوڭعى 20 جىلدان بەرى جاسالماعان نارسەنى جاساماق».

يتاليانىڭ جاڭا ۇكىمەتى 2018 جىلدىڭ ماۋسىم ايىنان باستاپ ءوزىنىڭ پورتتى قالالارىنا ۇكىمەتتىك ەمەس ۇيىمدارعا تيەسىلى زاڭسىز بوسقىندار تيەلگەن كەمەلەردىڭ توقتاۋىنا تىيىم سالىپ كەلەدى. جاڭا ۇكىمەتتىڭ ويىنشا، بوسقىندارعا ەۋروپادا ەمەس «ولاردىڭ ءوز ۇيلەرىندە» كومەكتەسۋ كەرەك. سونىمەن قاتار، بوسقىنداردى ەو ەلدەرىنە جەتكىزۋ بيزنەسىنە جول بەرمەي ءارى ولاردى قارا جۇمىس ىستەپ، قولايسىز جاعدايدا ءومىر سۇرۋلەرىنە ماجبۇرلەمەۋ كەرەك. ەگەر، ەو-نىڭ وزگە ەلدەرى بوسقىنداردى قابىلداعىلارى كەلسە، وندا بۇنى وزدەرىنىڭ تەرريتوريالارىندا ىستەۋلەرى ءتيىس، - دەپ سانايدى جاڭا ۇكىمەت.

“The Qazaq Times”