ەۋرووداقتىڭ ىدىراۋى مۇمكىن

ەۋروپا پارلامەنتىنىڭ «Brexit» (ۇلىبريتانيانىڭ ەۋرووداقتان شىعۋى) كەلىسسوز جۇرگىزۋشىسى گي ۆەرحوفستانت ەۋرووداقتىڭ (ەو) رەفورما جاسالماعان جاعدايدا «ىدىراۋ» قاۋپىمەن بەتپە-بەت قالاتىنىن اتاپ كورسەتتى.

ەۋروپا ءۇشىن ليبەرالدار مەن دەموكراتتار وداعى (ALDE) توراعاسى ۆەرحوفستانت BBC-گە بەرگەن سۇحباتىندا وداقتىڭ ءارتۇرلى ورتالار جاساعان قىسىمدارعا دۋشار بولعانىن ءبىلدىردى.

وداق تۇرعىسىنان ماسەلەنىڭ كۇردەلى ەكەنىنە نازار اۋدارعان ۆەرحوفستانت «قازىر ەۋرووداققا جاسالعان قىسىمدارعا قارايتىن بولساق، (اقش پرەزيدەنتى دونالد) ترامپ ەۋرووداقتىڭ ىدىرايتىنىن ويلايدى. سونداي-اق ەۋرووداقتى بولشەكتەگىسى كەلگەن (رەسەي پرەزيدەنتى) ۆلاديمير پۋتين دە بار» دەدى.

ەۋرووداقتىڭ سونداي-اق تەرروريزم، ەۋرووداقتىڭ ۇلتشىلدار مەن ۇلىبريتانيانىڭ ەۋرووداقتان شىعۋىمەن (Brexit) دە بەتپە-بەت ەكەنىن اتاپ كورسەتكەن ۆەرحوفستانت «سوندىقتان قازىرگى جاعداي ەۋرووداقتىڭ بولمىسى تۇرعىسىنان ماڭىزدى. رەفورما جاسايتىن ۋاقىت كەلدى. كەرىسىنشە (ەو) ىدىراۋى مۇمكىن» دەدى.

«The Qazaq Times»