جاڭا وقۋ جىلىندا جاڭا مەكتەپتە وقۋ ءار بالانىڭ ارمانى. الايدا، جوندەۋ جۇمىستارى جاسالىنعان ءبىلىم وشاقتارىن كورۋدىڭ ءساتى ازىرشە تۋعان جوق.

ستاتيستيكاعا سۇيەنسەك، قازاقستان اۋماعىندا جىل سايىن 110-نان 170-كە دەيىن جاڭا مەكتەپ سالىنادى. بۇگىنگى تاڭدا ەلىمىزدە 120-عا جۋىق ءۇش اۋىسىمداعى مەكتەپ بار. بىراق، كۇردەلى جوندەۋ جۇمىستارى جاسالىنباعان مەكتەپتەر ءالى دە سول قالپىندا. اپاتتى دەپ تانىلعان ءبىلىم وشاقتارىنىڭ سانى 44-كە جەتكەن. ونىڭ ءبىراز بولىگى تۇركىستاندا.

بيىل تاراز وڭىرىندە اپاتتى دەپ تانىلعان 7 مەكتەپ جابىلادى. دەمەك، وقۋشىلاردىڭ باسقا مەكتەپكە قاتىناۋىنا تۋرا كەلەدى. ءبىلىم الاتىن ورىن تابىلدى دەسەك تە، مۇعالىمدەردىڭ ازدىعى تاعى بار. مالىمەتتەر بويىنشا، جامبىل وبلىسىندا 500 مۇعالىم جەتىسپەيدى.

مەكتەپتەردەگى ماسەلە جان باسىنا قارجىلاندىرۋ مەحانيزمى ارىلى شەشىمىن تابۋى ءتيىس. ساپاسى سىن كوتەرمەيتىن، اپاتتى جاعدايداعى وزگە دە ءبىلىم وشاقتارىنىڭ ماسەلەسى 2020 جىلعا دەيىن اياقتالۋى قاجەت.

"The Qazaq Times"