بۇۇ-داعى تاۋەلسىز ساراپشىلاردىڭ زەرتتەۋىنە ساي، 2014 جىل مەن 2018 جىل ارالىعىندا يەمەندە 6,5 مىڭنان استام ادام قازا بولعان. دەرەكتەر جاريالانعان سوڭ، يەمەندەگى سوعىسۋشى جاقتىڭ ادام قۇقىعىن بۇزعاندىعى انىقتالدى.

ءتورت جىل ىشىندە جۇرگىزىلگەن اياۋسىز قاقتىعىستار مەن جانجالداردان جاپا شەككەندەردىڭ بارلىعى دەرلىك بەيبىت تۇرعىندار. بۇۇ ۇسىنعان مالىمەت بويىنشا قازا تاپقانداردان بولەك، ەلدە ون مىڭنان استام ادام اۋىر جاراقات العان. سونداي-اق، يەمەن ۇكىمەتى مەن حۋسيتتەردىڭ بالالاردى اسكەري قىزمەتكە كۇشتەپ تارتقاندىعى دى انىقتالدى.

يەمەندەگى مايدان جىلدان-جىلعا كۇشەيىپ، بەيبىت تۇرعىندار جاپا شەگىپ كەلەدى. بۇۇ ءتورت جىلدان بەرى ەلدەگى احۋالدى توقتاتۋعا تىرىسقانمەن، ەش ناتيجە شىققان جوق.

"The Qazaq Times"