سۇرياداعى جاعداي قايتادان شيەلەنىستى جاعدايعا جەتتى

تەرروريست توپتارى ءسۇريانىڭ يدليب قالاسىنىڭ وڭتۇستىك بولىگىندەگى سۇريالىق اراب اسكەريلەرىنىڭ وپەراتسيالارى ءۇشىن بەيبىت تۇرعىنداردى تۇتقىنعا العان. بۇل تۋرالى «liberation.fr» اقپارات كوزى حابارلايدى.

اتالعان اقپارات كوزى تەرروريستەردىڭ بالالار مەن ايەلدەر دە بار، ءۇش بىردەي وتباسىن كەپىلگە العانىن جازدى. ەندى، تەرروريستەردىڭ كەسىرىنەن قالاداعى اسكەري وپەراتسيالار توقتاتىلىپ، بەيبىت تۇرعىنداردىڭ قاۋىپسىز ايماققا كوشىرىلۋىنە كەدەرگى كەلتىرىلۋدە. ەسكە سالايىق، بۇدان از ۋاقىت بۇرىن يدليبكە سۇريالىق اسكەريلەردىڭ جىبەرىلگەنى تۋرالى حابارلانعان ەدى. وتكەن دەمالىس كۇندەرى ۇكىمەتتىك كۇشتەردىڭ يدليب، حاما، الەپپو، لاتاكيا قالالارىندا اۋقىمدى اسكەري وپەراتسيالار جۇرگىزۋىنە بايلانىستى تەرروريستەردىڭ شابۋىلعا دايىندىققا كوشكەنى اقپارات تاراعان ەدى. ءوز كەزەگىندە بۇل — قاۋىپسىز ايماق دارەجەسى بەرىلگەن بىرقاتار ايماقتاردىڭ تىنىشىن تاعى دا بۇزعان ەدى. وپپوزيتسيالىق توپتاردىڭ «وداقتاستارىن ءسۇريانىڭ ۇكىمەتتىك كۇشتەرىمەن كۇرەستە كومەككە شاقىرىپ، ءسۇريانىڭ سولتۇستىك-باتىسىنا ءوز سودىرلارىن ورنالاستىرعانى دا حابارلانعان بولاتىن».

“The Qazaq Times”